अतिशय दुर्देवी व खळबळजनक घटना !

परभणी जिल्हा हादरला : शिक्षकाने कुटुंबासह रेल्वेमार्गावर संपवले जीवन

गंगाखेड : गंगाखेड रेल्वे स्थानका जवळ असलेल्या धारखेड शिवारात रेल्वे पुलाजवळ शिक्षकाने आपल्‍या पत्‍नी व मुलीसह जीवन संपवल्‍याची खळबळजनक घटना घडली. या घटनेमुळे परिसरात हळहळ व्यक्त होत आहे.

मसनाजी सुभाष तुडमे (रा.किनी कद्दू तालुका अहमदपूर जिल्हा लातूर) सध्या मुक्काम गंगाखेड असे त्‍यांचे नाव आहे. ते सध्या शहरातील एका खाजगी विद्यालयामध्ये शिक्षक म्हणून कार्यरत होते. मसनाजी तुडमे त्‍यांची पत्नी व मुलगी या कुटुंबीयांतील तिघांनी रेल्वे स्टेशन जवळ असणाऱ्या परभणी रेल्वे मार्गावर आत्‍महत्‍या केली. धारखेड शिवारातील रेल्वे पटरीवर ही घडल्‍याची प्राथमिक माहिती पोलिसांनी दिली. दरम्यान कुटुंबीयांनी आत्महत्या का केली याचे कारण अद्यापही समोर आलेले नाही.

घटनेची माहिती मिळतात उपविभागीय पोलीस अधिकारी दिलीप टिपरसे सहाय्यक पोलीस निरीक्षक असेफ शेख जमादार दीपक वावळे व गंगाखेड पोलिसांनी घटनास्थळावर घेतली असून मृतदेह ताब्यात घेतले. मयत मसनाजी तुडमे यांच्या खिशात असलेला मोबाईल वरून नातेवाईकांना संपर्क करत सदर इसमाची ओळख पटवली सदर घटना दुपारी तीन वाजेच्या दरम्यान घडली. रेल्वे मालगाडी येत असताना रेल्वे पटरीवर तिघांनी झोपून आत्महत्या केली असल्याचे प्रत्‍यक्षदर्शीनी सांगितले. याबाबत घटनास्थळावर हळहळ व्यक्त होत आहे.