लाडकी बहीण योजना: फेब्रुवारीचा ८वा हप्ता महिलांना कधी मिळणार?
मुंबई : महायुती सरकारकडून राज्यातील महिलांसाठी मुख्यमंत्री माझी लाडकी बहीण योजना सुरू करण्यात आली. विधानसभेच्या तोंडावर महायुतीकडून ही योजना सुरू करण्यात आली होती. ही योजना विधानसभेत महायुतीला मोठं यश मिळवून देण्यात गेमचेंजर ठरली. २१ ते ६५ वर्षांपर्यंतच्या गरजू महिलांसाठी माझी लाडकी बहीण योजना ऑगस्ट २०२३ सुरू झाली. मात्र अनेक अपात्र महिलांनी या योजनेचा लाभ घेतल्यानंतर आता सरकारकडून अपात्र महिलांना यातून बाद करण्याचं काम होती घेण्यात आलं. आतापर्यंत या योजनेमधून ७ हप्ते महिलांच्या खात्यात देण्यात आले. आता फेब्रुवारी महिन्याचा ८वा हप्ता कधी देण्यात येणार अशी महिलांमध्ये उत्सुकता आहे.
फेब्रुवारीचा ८वा हप्ता महिलांना कधी मिळणार?
मुख्यमंत्री माझी लाडकी बहीण योजनेंतर्गत पात्र महिलांच्या बँक खात्यात आतापर्यंत एकूण सात हप्ते जमा करण्यात आले आहेत. आता महिला लाभार्थी फेब्रुवारीतील आठव्या हप्त्याची वाट पाहत आहेत. अर्जाची पडताळणी होणार असल्याने आठव्या महिन्यात पैसे येतील की नाही, अशी भीती अनेक महिलांच्या मनात निर्माण झाली आहे.ज्या महिलांनी नियमांची पायमल्ली करुन या योजनेचा लाभ घेतला त्यांना या योजनेतून वगळण्यात येणार आहे. मात्र पात्र महिलांना लाडली बहीण योजनेचा फेब्रुवारी महिन्याचा आठवा हप्ता २४ फेब्रुवारीपासून सर्व पात्र लाभार्थी महिलांच्या बँक खात्यात जमा होण्यास सुरुवात होईल, अशी माहिती आहे. मिळालेल्या माहितीनुसार, अर्थमंत्री अजित पवार यांनी यासंबंधीत विभागाला पैसे ट्रान्सफर केले आहेत.
अपात्र असूनही लाडकी बहीण योजनेचा लाभ घेणाऱ्यांबाबत सरकारची कठोर पावलं
विधानसभा निवडणुकीआधी लाडकी बहीण योजनेची घोषणा करण्यात आल्यानंतर सरकारने यासाठी काही नियम, अटी घालून दिल्या. मात्र अनेक महिलांनी योजनेसाठी अपात्र असूनही या योजनेचा लाभ घेतला. मात्र आता सरकारने अपात्र असूनही योजनेचा लाभ घेणाऱ्या महिलांना योजनेतून अपात्र करत आहे. त्यामुळे या फेब्रुवारीच्या महिन्यात अनेक अपात्र महिलांना हप्ते येणार नाहीत.
पात्र महिलांना करावं लागणार ई-केवायसी
सर्व पात्र आणि गरजू महिलांना या योजनेचा लाभ मिळावा यासाठी हे नवीन निकष लागू केले जाणार आहेत, ज्यात अपात्र महिलांना योजनेतून बाहेर केलं जाईल. लाडकी बहीण योजनेअंतर्गत लाभार्थी महिलांना आता दरवर्षी जून महिन्यात बँकेत जाऊन ई-केवायसी करून प्रमाणपत्र घ्यावं लागणार आहे. यासाठी १ जून ते १ जुलै दरम्यान ई-केवायसी करावं लागेल.
टिप्पण्या
टिप्पणी पोस्ट करा