समस्त शिक्षक वर्गाला सविनय समर्पित...

गुरूजीला न्यायला आलेला!यम सुध्दा रिकामा परत गेला ...!

काल आमच्या शाळेत वेगळंच काही प्रकरण घडलं,!

*गुरुजींना न्यायला देवानं यमाला अर्जंट धाडलं !!*

*न विचारताच यम घुसला डायरेक्ट गुरुजींच्या वर्गात,!*

*चला गुरुजी आपल्याला जायचं आहे स्वर्गात.!!*

*एका मिनीटात तुम्हाला येणार आहे अटॅक,!*

*तुमचा जीव माझ्या मुठीत येईल मग फटॅक.!!*

*यमाचं बोलणं ऐकूण गुरुजी लागले रडू,!*

*खूप दिवसांनी घेतलाय रे यमा हाती खडू.!!*

*फक्त एक कविता दाखवतो त्यांना गाऊन,!*

*मग जा खुशाल तू माझे प्राण घेऊन.!!*

*ठीक आहे म्हणत यम वर्गाबाहेर बसला,!*

*गुरुजींचा डान्स पाहून तो ही फार हसला.!!*

*यमालाही आठवलं त्याचं बालपण,!*

*दाटून आला गळा त्याचा गहिवरलं मन.!!*

*आजच्या दिवस एक्स्ट्राचा घ्या म्हणला जगून,!*

*उद्या येतो म्हणत यम गेला आल्या पावली निघून.!!*

*दुसऱ्या दिवशी सकाळीच यम झाला हजर,!*

*गुरुजींचीही पडली त्याच्यावरती नजर.!!*

*काहीही म्हण यमा अर्जंट आहे काम,!*

*केंद्रावर जाऊन येतो तोवर जरा थांब.!!*

*सर्वेक्षणाची फाईल साहेबांस येतो देऊन,!*

*किरकोळ रजेचा अर्जही येतो जरा ठेवून.!!*

*करायच्या आहेत अजून तांदळाच्या प्रती,!*

*पोरांची बी काढायची आहेत बँकेमधे खाती.!!*

*आकारिकचं काम पण घेतलंय काल हाती,!*

*डोक्यामध्ये नुसती गणगण काय आणि किती?!!*

*शेवटचे हे आठ दिवस थांब यमा मित्रा,!*

*तोवर माझ्या मिटवतो भानगडी ह्या सतरा.!!*

*शेवटची ही संधी गुरुजी आज नक्की देईन,!!*

*पुढच्या सोमवारी प्राण घ्यायला मी पुन्हा येईन.!!*

*गुरुजींच्या डोक्याला आलं कुटुंबाचं टेन्शन,!*

*आपण गेलो तर काय होईल आपल्याला नाही पेंशन.!!*

*म्हणता म्हणता उगवला शेवटचा तो सोमवार,!*

*शाळेकडे गुरुजी झाले स्कुटरवरती स्वार.!!*

*तेवढ्यात गुरुजींच्या आलं काहितरी ध्यानात,!*

*गुरुजी थेट घुसले एका कपड्यांच्या दुकानात.!!*

*यम म्हणाला गुरुजी आज इकडं कसं काय?!*

*तेवढ्यात गुरुजींनी धरले यमाचे ते पाय.!!*

*गणवेषाचं तेवढं लावू दे आज मार्गी,!*

*आजच्या दिवस थांब उद्या जाऊ आपण स्वर्गी.!!*

*काय राव गुरुजी तुम्ही रोजच आहे बिझी,!*

*तुमच्या अशा वागण्यानं, डयुटी धोक्यात येईन ना माझी.!!*

*आजच्या दिवस यमा घे रे गड्या समजून,!*

*किर्द, दुरुस्ती दाखल्याचेही काम आहे पडून.!!*

*उदया पासून सुरु आहे CO साहेबांचा दौरा,!*

*कामाभोवती फिरतोय बघ गुरुजी नावाचा भोवरा.!!*

*परवा पासून खेळायची आहे टॅग ची पण इनिंग,!*

*पुढच्या आठवड्यात घ्यायचं आहे गणित पेटीचं ट्रेनिंग.!!*

*नंतर करायची आहे स्कॉलरशिपची तयारी,!*

*लसीकरणाची ही पार पाडायची आहे जबाबदारी.!!*

*पोरांच्या परीक्षा मग तपासायचे पेपर,!*

*नवोदय मधे पोरं करायची आहेत टॉपर.!!*

*कामाच्या या तानाची डोक्यात भेळ,!*

*आमच्याकडं नाही यमा  मरायलाही वेळ..!!*

*खूप वाटतं फुलवावा ज्ञानाचा हा मळा,!*

*कांदा मुळा भाजी आणि आमचा मात्र खडू आणि फळा.!!*

*पोरांमधे जीव ओतून करतो आम्ही काम,!*

*त्यांच्या मधेच दिसतो रहिम अन त्यांच्या मधेच दिसतो राम.!!*

*फुकट पगार  म्हणणार्‍यांची वाटते भारी कीव,!*

*हरकत नाही आज माझा घेऊन टाक तू जीव.!!*

*यमाला आलं गलबलून, ते सारं काही ऐकून,!*

*तुम्हाला न्यायला गुरुजी आता येणार नाही कधीच चुकून.!!*

*वाटेल तेव्हा या गुरुजी उघडेन स्वर्गाचं दार,!*

*सुंदर करा भारत आणि पोरं करा हुशार.*

*टाटा बाय बाय करत करत  यम गेला निघून,!*

*परत येण्याआधी तो, घ्या ना छान जगून.!!*

*जगणं मरणं म्हणजे नाही काही वेगळं,!*

*नरक आणि स्वर्ग तर इथेच आहे सगळं.!!*

*कामाशी काम करून घडवा नवा भारत,!*

*कामाशिवाय इथं कुणीच अमर नाही ठरत...!!*