दि. १२ मे ते २१ मे २०२६ दरम्यान होणार संपन्न

 परळी वैजनाथ येथे गौवंश रक्षणासाठी आमरण उपोषण सुरू

परळी वैजनाथ (प्रतिनिधी)

       परळी वैजनाथ हे बारा ज्योतिर्लिंगांपैकी एक असून, या पवित्र क्षेत्रात गौवंश संरक्षणासाठी कठोर पावले उचलावीत, अशी मागणी करत आजपासून (दि. ३ मार्च २०२५) नगर परिषद कार्यालयासमोर आमरण उपोषण सुरू करण्यात आले आहे.

 उपोषणकर्त्यांनी खालील प्रमुख मागण्या केल्या आहेत:

परळी परिसरातील अवैध कत्तलखाने त्वरित बंद करावेत.

गौवंश मास विक्री करणारी दुकाने बंद करावी व यापुढे विक्री करणाऱ्यांवर कठोर कारवाई करावी.

गौरक्षकांवर पोलिसांकडून होणारी अपमानजनक वागणूक थांबवावी.

रस्त्यावरील गौवंशासाठी नगर परिषदेतर्फे कोंडवाड्याची व्यवस्था करावी.

२७ फेब्रुवारी २०२४ महाराष्ट्र शासन निर्णय पशुसंवर्धन विभाग यांच्या वतीने पशूंच्या खरेदी विक्री संदर्भात काढलेल्या आदेशाची कडक अंबल बजावणी करणे.

गौ तस्करी करणाऱ्यावर कडक कार्यवाही करावी.

गौसेवकां वरील होणारे हल्ले थांबवून पोलिसांकडून संरक्षण द्यावे.

 या मागण्यांसाठी बळीराम परांडे,विजय बडे,माऊली मंडलिक गोरक्षण सेवा संघ महाराष्ट्र राज्य परळी वैजनाथ नगर परिषदेसमोर आमरण उपोषणाला बसले आहेत. या आंदोलनाला अनेक सामाजिक संघटनांचा पाठिंबा मिळत असून, प्रशासनाने लवकरात लवकर निर्णय घ्यावा, अशी मागणी होत आहे.