खळबळजनक: आ.संदीप क्षीरसागर यांच्याविरोधात अंजली दमानियांचा नवा दावा
मस्साजोगचे सरपंच संतोष देशमुख यांच्या हत्येनंतर केवळ बीडच नाही, तर संपूर्ण राज्यभरात त्यांच्या मारेकऱ्यांना फाशीची शिक्षा होण्याची मागणी होत आहे. बीडमध्ये अनेक गुन्हेगारीच्या घटना घडल्याचं मागील अनेक दिवसांत समोर आलं आहे. अशात राष्ट्रवादी काँग्रेस शरदचंद्र पवार पक्षाचे बीडचे आमदार संदीप क्षीरसागर यांच्याविरोधात अंजली दमानिया यांनी केलेल्या दाव्याने खळबळ उडाली आहे.अंजली दमानिया यांनी नवा दावा केला आहे. बीडमधील एका ख्यातनाम वृत्तपत्राच्या संपादकाने आपल्याला पुराव्यासह काही गोष्टी पाठवल्या आहेत, असा दावा त्यांनी केला आहे. त्यांनी राष्ट्रवादी काँग्रेस शरदचंद्र पवार पक्षाचे आमदार संदीप क्षीरसागर यांच्याविरोधात काही पुरावे सादर केले आहेत. पण त्यांनी ते पुरावे आपल्याला एका वृत्तपत्राच्या संपादकाने दिल्याचं म्हटलं आहे.अंजली दमानिया यांनी केलेल्या दाव्यात काय म्हटलं?
अंजली दमानिया यांनी केलेल्या दाव्यात म्हटलंय, 'समोर आलेला व्हिडिओ १२ डिसेंबरचा आहे. या व्हिडिओमध्ये सतीश शेळके आणि गणेश भरणारे जय मल्हार बागल यांनी टाटा शोरूम इथे जाऊन येथील मॅनेजरला मारहाण केलेली. हे दोघेजण संदीप क्षीरसागर यांचे पीए आहेत. या व्हिडिओमध्ये असं दिसत आहे, की संदीप क्षीरसागर यांचे पीए स्वतः जाऊन टाटा शोरूममध्ये मारहाण करतात. संदीप क्षीरसागर यांचा पीए सतीश शेळके सुद्धा मारहाण करताना दिसत आहे तसेच हे सर्व मॅनेजर मंडळी परत त्याच्या पाया पडतात'.'संदीप क्षीरसागर वाल्मीक कराडच्या नावाने बोंबा मारतात, दादागिरी करता, असं सांगतात. मात्र स्वतः संदीप क्षीरसागर हेच मोठा गुंड आहे, त्याचे वडीलही गुंडचं होते. व्हिडिओमध्ये जे लोक दिसतात त्या सर्वांवर कारवाई झाली पाहिजे, हे छोटे वाल्मीक कराड आहेत. सतीश शेळके यांनी काही दिवसापूर्वी बीड येथील बीड ऑफिसमध्ये साहेबाला मारहाण केली होती, मात्र जिल्हा परिषदेच्या सीईओमुळे त्यांच्यावर गुन्हा दाखल झाला नाही, ही अत्यंत महत्त्वाची बातमी आहे.'बीड पंचायत समितीमधील बीडीओ साहेब यांना मारहाण केली. संदीप क्षीरसागर यांनी गुत्तेदार पाठक जे पुणे येथे राहणारे आहेत, त्यांच्याकडून दोन पन्नास- पन्नास लाखाच्या गाड्या घेतल्या आहेत. एक ते स्वतः वापरतात, तर दुसरी यांचा पीए सतीश शेळके वापरतो. बीड येथे जिल्हा उद्योग केंद्राचे २० करोड रुपयांचे काम या पाठक गुत्तेदाराला दिले आहे.'
टिप्पण्या
टिप्पणी पोस्ट करा