रेल्वे पटरी जवळील पिंपळाच्या झाडाखालील मारुतीला दिवा लावायला गेलेल्या युवकास मारहाण ;जखमी केले, दातही पडला
परळीतील रेल्वेमार्गाच्या बाजूस असलेल्या काकरनगर जवळील मोकळ्या मैदानात क्रिकेट खेळून सिद्धेश्वरनगरमधिल फिर्यादी युवक व त्याचे साथीदार रेल्वे पटरी जवळ असलेल्या पिंपळाच्या झाडाखालील मारुतीला दिवा लावायला जाताना हात उगारला व परत येताना मात्र त्याच्यावर भ्याड हल्ला करून चार ते पाच जणांनी मारहाण केली. दगड फेकून मारला यात हा युवक जखमी झाला. या महाराणीत त्याचा दातही पडला असुन नावं माहित नसलेल्या अनोळखी चार ते पाच जणांविरुद्ध गुन्हा दाखल करण्यात आला आहे.
याबाबत पोलीस सरांकडून प्राप्त अधिक माहितीनुसार,यातील फिर्यादी समर्थ बाळासाहेब कदम वय 16 वर्षे रा. सिद्धेश्वरनगर व त्याचे साथीदार काकानगर येथुन क्रिकेट खेळुन रेल्वे पटरीजवळील पिंपळाचे झाडाखालील मारुतीला दिवा लावण्यासाठी जात असताना आरोपीतांनी हात उगारला. तेथून परत येत असताना यातील अनोळखी पाच इसमांनी काही एक कारण नसताना त्यांची गाडी अडवण्याचा प्रयत्न केला. दरम्यान फिर्यादीला यातील कोणीतरी एकाने दगड फेकुन मारला. तो फिर्यादिचे तोंडाचे उजव्या बाजुला लागुन एक दात पडला व तोंडाला दुखापत झाली. तसेच शिवीगाळ केली. भांडण करणारे त्यांचे वागण्यावरुन व बोलण्यावरुन मुस्लिम समाजाचे असावेत असे फिर्यादीत म्हटले आहे.याप्रकरणी परळीतील पो.स्टे. संभाजी नगर येथे गु.र.न. 77/2025 कलम 118 (2), 189 (2) (4), 190, 191(2) (3), 352 भा.न्या. संहिता 2023 प्रमाणे गुन्हा दाखल करण्यात आला आहे.पुढील तपास सफौ चव्हाण हे करीत आहेत.
टिप्पण्या
टिप्पणी पोस्ट करा