१२ वर्षाच्या अल्पवयीन मुलीचे अपहरण !
केज :- केज शहरातून रात्री ११:०० वा. ६ वीच्या वर्गात शिकत असलेल्या १२ वर्ष वयाच्या अल्पवयीन मुलीचे अपहरण करण्यात आले आहे.
केज येथे राहात असलेली व सहावीच्या वर्गात शिकत असलेली १२ वर्ष वयाची मुलगी, तिची आई व लहान भाऊ हे दि. २ एप्रिल रोजी जेवण करून झोपी गेले. त्या नंतर रात्री ११:३० च्या सुमारास ते भाड्याने राहात असलेल्या घर मालकीनिने त्या मुलीच्या आईला झोपेतून उठविले आणि सांगितले की, तुमची मुलगी ही शेजारच्या एका महिलेच्या मोबाईल वरून कोणाला तरी फोन लावत होती. त्या नंतर त्यांनी मुलीचा शोध घेतला असता ती आढळून आली नाही. अल्पवयीन मुलीने शेजारच्या महिलेच्या मोबाईलवरून ज्या अज्ञात व्यक्तीला फोन लावला; त्याच अज्ञात व्यक्तीने तिचे अज्ञात कारणासाठी अपहरण केले असावे अशी त्यांना शंका आहे.
या प्रकरणी मुलीच्या आईच्या फिर्यादी वरून अज्ञात अपहरणकर्त्या विरुद्ध केज ओलीस ठाण्यात गु. र. नं. १३३/२०२५ भा. न्या. सं. १३७(२) नुसार गुन्हा दाखल करण्यात आला आहे. अपहरण करण्यात आलेल्या अल्पवयीन मुलीचा शोध सहाय्यक पोलीस निरीक्षक संदीप मांजरमे हे करीत आहेत.
टिप्पण्या
टिप्पणी पोस्ट करा