दि. १२ मे ते २१ मे २०२६ दरम्यान होणार संपन्न

 महिला महाविद्यालयात महामानव डॉ बाबासाहेब आंबेडकर जयंती उत्साहात साजरी 

परळी वैजनाथ दि.१४ (प्रतिनिधी)

    येथील कै .लक्ष्मीबाई देशमुख महिला महाविद्यालयात आज दि . १४ एप्रिल  रोजी विश्वरत्न , महामानव डॉ बाबासाहेब आंबेडकर यांची जयंती उत्साहात साजरी करण्यात आली .

               या कार्यक्रमासाठी अध्यक्ष म्हणून संस्थेचे सचिव  रवींद्र देशमुख उपस्थित होते तर कोषाध्यक्ष प्रा . प्रसाद देशमुख हे प्रमुख व्याख्याते म्हणून लाभले . संस्थेच्या संचालिका सौ छायाताई देशमुख तसेच महाविद्यालयाच्या प्राचार्या डॉ . विद्याताई देशपांडे यांचीही विशेष उपस्थिती होती .

                मान्यवरांच्या शुभहस्ते डॉ बाबासाहेब आंबेडकरांच्या प्रतिमेला  पुष्पहार अर्पण केल्यानंतर महाविद्यालयाच्या प्राचार्या डॉ . विद्याताई देशपांडे यांनी प्रास्ताविक केले . त्यांत त्यांनी  डॉ बाबासाहेब आंबेडकरांच्या  विविध क्षेत्रातील कार्याचा सार्थ

आढावा घेतला .

     प्रमुख व्याख्याते प्रा . प्रसाद देशमुख यांनी *उद्धरली कोटी कुळे भीमा तुझ्या जन्मामुळे -* या उक्तीची यथार्थता आपल्या वक्तव्यातून सिद्ध केली .  संपादन केलेल्या ज्ञानाचा उपयोग दलित दुःखित पीडित , शोषित यांच्या उद्धारासाठीच करणे हेच त्यांच्या जीवनाचे ध्येय होते असे त्यांनी प्रतिपादन केले . यासोबतच चवदार तळे , काळाराम मंदिर सत्याग्रह या सह अनेक अस्पृश्यता निवारण करणाऱ्या संघर्ष कार्याचाही आढावा घेतला .

अध्यक्षीय समारोप करताना आपल्या काव्यमय शैलीत -

मनात न ठेवता कुठलीही आढी ।उत्साहाने घडविली साक्षरतेची पिढी ॥ 

शिक्षणाच्या माध्यमातून देशाला दिला उत्तम आकार ।

आज त्यांचे स्वप्न खऱ्या अर्थाने झाले साकार ॥

देशाच्या उन्नतीसाठी डॉ बाबासाहेब आंबेडकरांनी प्रचंड परिश्रम घेतले .आपल्या कठोर परिश्रमातून देशाला एक सार्थ सर्वसमावेशक अशी घटना दिली हे त्यांचे अत्यंत महनीय कार्य आहे . असे विचार  कार्यक्रमाचे अध्यक्ष रविंद्र देशमुख यांनी अध्यक्षीय समारोपात  मांडले . .

          या कार्यक्रमाचे सूत्रसंचालन  प्रा.डॉ.पी. व्ही. गुट्टे यांनी केले तर प्रा.डॉ.एस.व्ही. कचरे यांनी आभार मानले. या कार्यक्रमासाठी डॉ . अरुण चव्हाण  डॉ. विलास देशपांडे  डॉ . विद्या गुळभिले डॉ रागिणी पाध्ये  डॉ .रंजना शहाणे डॉ . वर्षा मुंडे   प्रा. प्रवीण फुटके '  प्रा. प्रवीण नव्हाडे , श्री अनिल पत्की श्री सुहास कण्व श्री एन. जी.फुलारी  श्री विकास देशपांडे  आदींची उपस्थिती होती .  महाविद्यालयातील सर्व शिक्षक शिक्षकेतर कर्मचारी व विद्यार्थिनी वर्गही  उपस्थित होता .