वाहनधारकांवर दंडात्मक कारवाया......
जिल्हा वाहतूक शाखेची परळीत कारवाई
९५ वाहनधारकांकडुन ६६ हजारांचा दंड वसूल
परळी (प्रतिनिधी)
बीड जिल्हा वाहतुक शाखेच्या कर्मचार्यांनी मंगळवार दि.१ एप्रिल रोजी परळी शहरात विविध ठिकाणी धडक मोहीम राबवत ९५ वाहनधारकांकडुन ६६ हजारांचा दंड वसुल केला.
पोलीस अधीक्षक यांच्या आदेशानुसार ही कारवाई करण्यात आली जिल्हा वाहतूक शाखा बीड येथील पोउपनि.विजय जाधवर व 4 ट्राफिक अंमलदार आणि संभाजीनगर पोलीस स्टेशन परळी येथील पीसी 1238 अमर व होमगार्ड यांच्या संयुक्त पथकाने परळी शहरातील राणी लक्ष्मीबाई टॉवर, छत्रपती शिवाजी महाराज चौक,मोंढा आदी भागात वाहनाची तपासणी केली.यात ९५ वाहनांवर एमव्ही ऍक्ट केसेस करुन कारवाई करून 66,000 रुपये दंड वसूल करण्यात आला.या कारवाईत जुना 6800 रुपयांचा दंड वसूल करण्यात आला.या दरम्यान एका मोटरसायकलवर पुढील आणि मागील बाजूस नंबर प्लेट नसल्यामुळे संशयित वाटत असल्यामुळे सदर मोटरसायकलस्वार याच्याकडे चौकशी केली असता मोटरसायकल क्रमांक एम.एच. 22 बीबी 3261असा असून सदर मोटरसायकल बाबत पो. स्टे गंगाखेड येथे चोरीचा गुन्हा दाखल आहे. त्यावरून गंगाखेड पोलिसांशी संपर्क साधून मोटरसायकल आणि आरोपी शेख मोहम्मद शेख रा.वैजवाडी ता.परळी यास गंगाखेड पोलिसांच्या ताब्यात देण्यात आले.
टिप्पण्या
टिप्पणी पोस्ट करा