परळीत 20 मे रोजी उपजिल्हाधिकारी कार्यालयावर सीटू कामगार संघटनेचा मोर्चा
परळी वैजनाथ:- महाराष्ट्र कामगार संयुक्त कृती समीतीच्या वतीने महाराष्ट्रव्यापी संप आहे. बीड जिल्हा सीटू कामगार संघटना संपात सहभागी होत आहे. त्या दिवसी परळी तालुक्यातील सीटूशी जोडलेल्या कामगार संघटना परळी उपजिल्हाधिकारी कार्यालयावर दुपारी १ वाजता भव्य मोर्चा काढणार आहेत.
राज्य सरकार व केंद्र सरकारचे कामगार विरोधी थोरणामुळे प्रचंड बेरोजगारी निर्माण झालेली आहे. आशा वर्कर व अंगणवाडी कर्मचारी यांना सरकारी कामगारांचा दर्जा मिळावा, खाजगीकरण थांबवावे, सरकारने कंत्राटीकरण थांबवावे, कामगारासाठीच्या चार कामगार संहीता मागे घ्याव्यात, कामगारांना किमान वेतन 26000रु द्यावे: सर्व ६० वर्षावरील पेन्शन नसणाऱ्या सर्व नागरीकांना 10000 रु पेन्शन द्यावी.परळी तालुक्यातील आशाचे सर्व प्रकारचे थकीत मानधन द्यावे, घरेलू कामगार कल्याणकारी मंडळाने घरेलू कामगारांच्या पहिल्या दोन मुलांना शिष्यवृत्ती द्यावी, बांधकाम कामगारांचे सर्व प्रश्न तालुक्यातील डब्लूएफसी केंद्राने सोडवावेत. ग्रामीण भागातील बांधकाम कामगारांना नोंदणीसाठी ग्रामसेवकांनी ९० दिवस काम केल्याचे प्रमाणपत्र द्यावे इत्यादी प्रमुख मागणीसाठी परळी तालुक्यातील बांधकाम कामगार, आशा, घरेलू कामगार असंघटित कामगार मोठ्या प्र‌माणात सहभागी होणार आहे. कामगारांनी मोठ्या संस्थेने मोर्चात सहभागी व्हावे असे आवाहान आशाच्या नेत्या हेमा काळे, आशा लांडगे, किरण सावजी, सिटूचे जिल्हा अध्यक्ष प्रा.बी.जी खाडे, शेख जावेद, कामगारनेते जालिंदर गिरी, घरकामगार रोहिणी लोणीकर यांनी केले आहे.
टिप्पण्या
टिप्पणी पोस्ट करा