निकालापुर्वी वैभवी भावुक: काय बोलली?

स्व.संतोष देशमुखांची लेक वैभवी झाली १२ वी उत्तीर्ण: मिळवली चांगली टक्केवारी !

     मस्साजोगचे सरपंच संतोष देशमुख यांची निर्घुण हत्या करण्यात आली. आपल्या वडिलांना न्याय मिळावा यासाठी संतोष देशमुख यांची कन्या वैभवी देशमुख हिने महाराष्ट्रभर आंदोलन केले. नेत्यांच्या गाठीभेटी घेतल्या. वैभवीचे हे बारावीचे वर्ष होते. त्यामुळे डिसेंबरपासून वडिलांना न्याय मिळावा यासाठी फिरणाऱ्या वैभवची परीक्षेत कामगिरी कशी असणार याची उत्सुकता होती. वैभवीने आपल्या गुणांनी सगळ्यांना चकीत केले. बारावीमध्ये  तब्बल तिला 85.33 टक्के गुण मिळवले आहेत.बारावीच्या परीक्षेचा ऑनलाईन निकाल सोमवारी दुपारी जाहीर झाला. या परीक्षेत वैभवी देशमुखला 85.33 टक्के गुण मिळाले आहेत. संतोष देशमुख यांच्या मुलीला इंग्रजी विषयात 63, मराठीत 83, गणितामध्ये 94, फिजिक्समध्ये 83, केमेस्ट्रीत 91 आणि बायोलॉजी विषयात 98 गुण मिळाले आहेत. तिला एकूण 600 पैकी 512 गुण मिळाले आहेत.

निकालापुर्वी वैभवी भावुक: काय बोलली?

महाराष्ट्र राज्य बोर्डाच्या बारावीचा निकाल आज जाहीर झाला आहे. दुपारी 1 वाजेनंतर हा निकाल विद्यार्थ्यांना लाईव्ह बघता येणार आहे. हा निकाल जाहीर होण्यापूर्वी मस्साजोगचे सरपंच संतोष देशमुख यांची मुलगी वैभवी देशमुखने आपल्या वडिलांच्या प्रतिमेचं दर्शन घेतलं आहे. यावेळी वैभवी वडिलांच्या आठवणीने भावुक झालेली बघायला मिळाली.

बारावीच्या परीक्षेच्या काळातच संतोष देशमुख यांची हत्या झालेली असल्याने त्यावेळी कुटुंबावर दु:खाचा डोंगर कोसळला होता. त्याच परिस्थितीत वैभवीने 12वी ची परीक्षा दिली होती. आज निकाल असल्याने वैभवी वडिलांच्या आठवणीने भावुक झाली. माझ्या पाठीवर कौतुकाची थाप मारायला आज माझे वडील नाही, याचं दु:ख होतं, असं यावेळी वैभवी म्हणाली. माझ्या वडिलांच्या आशीर्वादाने माझा निकाल चांगलाच लागेल अशी भावना देखील यावेळी तीने व्यक्त केली.