ज्या गावात अडवले, तिथं ताईंच्या आगमनावर ग्रामस्थांच्या समाधानी नजरा

 ना. पंकजा मुंडे यांनी घेतली स्व. बाबासाहेब आगेंच्या कुटुंबियांची भेट

आगे परिवाराचे दुःख हे माझेही ; त्यांना न्याय मिळवून देण्यासाठी गरज पडली तर सुप्रीम कोर्टापर्यंत लढू

पत्नी व मुलीची घेतली जबाबदारी ; गोपीनाथ मुंडे प्रतिष्ठानची मदत सुपूर्द

माजलगांव।दिनांक ०३।

राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांनी आज किट्टी आडगाव येथे जाऊन स्व. बाबासाहेब आगे यांच्या कुटुंबियांची भेट घेऊन त्यांना धीर दिला. आगे परिवाराचे दुःख हे माझे दुःख आहे, एक चांगला कार्यकर्ता आपण गमावला आहे. आगे परिवाराला न्याय मिळवून देण्यासाठी गरज पडली तर  सुप्रीम कोर्टापर्यंत लढा देऊ अशा शब्दांत धीर देत ना. पंकजाताईंनी आगे यांच्या आई, पत्नी व मुलीची जबाबदारी घेतली. गोपीनाथ मुंडे प्रतिष्ठानच्या मदतीचा धनादेश यावेळी आगे परिवाराला देण्यात आला.

    भाजपचे जिल्हा विस्तारक स्व बाबासाहेब आगे यांची काही दिवसापूर्वी हत्या झाली होती. त्यांच्या दुर्दैवी मृत्यूमुळे त्यांच्या कुटुंबीयावर दुःखाचा डोंगर कोसळला आहे, अजूनही या दुःखातून ते सावरले नाहीत. मध्यंतरी ना. पंकजाताई मुंडे बीड दौर्‍यावर आल्या होत्या, त्यावेळी त्यांनी या परिवाराचे दूरध्वनीवरून सांत्वन केले होते व पुढील दौऱ्यात येऊ असे सांगितले होते. त्यानुसार आज त्यांनी किट्टी आडगाव येथे जाऊन आगे यांच्या आई, पत्नी व त्यांच्या चिमुकलीची भेट घेतली व सांत्वन केले.

आगे यांची मी मोठी बहिण, त्यांचं दुःख मलाही

--------

स्व. बाबासाहेब आगे एक धडाडीचा कार्यकर्ता होता, त्यांच्या जाण्याने मलाही खूप दुःख झाले आहे, ते मला भावासारखे होते.त्यांचं कुटुंब स्वाभिमानी आहे, त्यांचा स्वाभिमान कायम ठेवून त्यांना न्याय मिळवून देण्यासाठी जी काही मदत लागेल ती मी जरूर करेन. गरज पडली तर सुप्रीम कोर्टापर्यंत लढा देण्यासाठी प्रयत्न करू अशा शब्दांत धीर देत ना. पंकजाताईंनी आगे यांच्या पत्नी व मुलीची जबाबदारी स्वीकारत असल्याचे म्हटले.

ज्या गावात अडवले, तिथं ताईंच्या आगमनावर ग्रामस्थांच्या समाधानी  नजरा

-----------

लोकसभा निवडणुकीत प्रचाराच्या वेळी ना. पंकजाताईंना किट्टी आडगाव येथे अडवून गोंधळ घालण्याचा प्रयत्न झाला होता. आज त्याच गावात ना. पंकजाताई मुंडे गेल्या. त्या येणार असल्याने ग्रामस्थांनी मोठी गर्दी केली होती, लोकं रस्त्याच्या दोन्ही बाजूने थांबले होते. कार्यकर्त्यांच्या कुटुंबाचे सांत्वन करण्यासाठी आलेल्या ना. पंकजाताईंचे रस्त्यावर उभा असलेल्या ग्रामस्थांनी केवळ एका नजरेने स्वागत केले, तशा छटा त्यांच्या चेहर्‍यावर यावेळी दिसून आल्या.

••••