वैद्यनाथ कॉलेजच्या प्राचार्यपदी डॉ. जे. व्ही. जगतकर यांची नियुक्ती
परळीवैजनाथ, प्रतिनिधी... जवाहर शिक्षण संस्थेच्या वैद्यनाथ कॉलेजमध्ये प्राणीशास्त्र विभाग प्रमुख, डॉ. जे. व्ही जगतकर यांची नियुक्ती सेवाजेष्ठता नुसार संस्था व विद्यापीठाने केली आहे.
डॉ जे व्ही जगतकर यांना शिक्षण क्षेत्रातील व प्रशासकीय क्षेत्रातील प्रदीर्घ अनुभव आहे. त्याचबरोबर राष्ट्रीय व आंतरराष्ट्रीय क्षेत्रात विविध परिषदा, शोध निबंधाचे वाचन त्यांनी केलेले आहे. त्यांनी केलेल्या कार्यामुळे व प्रदीर्घ अनुभवामुळे संस्थेने त्यांची प्राचार्य पदी नियुक्ती केलेली आहे. या निवडीबद्दल महाराष्ट्र राज्याच्या पर्यावरण मंत्री ना. पंकजाताई गोपीनाथराव मुंडे , परळी विधानसभा मतदारसंघाचे आमदार श्री धनंजय मुंडे , जवहार शिक्षण संस्थेचे सचिव श्री दत्ताप्पा इटके यांच्यासह संस्थेचे सर्व पदाधिकारी व संचालक मंडळ यांनी प्राचार्य डॉ.जे व्ही जगतकर यांचे अभिनंदन केले आहे. त्याचबरोबर महाविद्यालयातील सर्व प्राध्यापक व शिक्षकेत्तर कर्मचारी यांनी डॉ. जे व्ही जगतकर यांचे सर्व स्तरातून अभिनंदन होत आहे.
टिप्पण्या
टिप्पणी पोस्ट करा