सर्वांचे हार्दिक अभिनंदन!!!!

म.सा.प. परळी शाखेची  नुतन कार्यकारिणी गठीत

 अध्यक्षपदी विजय वाकेकर तर सचिवपदी प्रा.डॉ. राजकुमार यल्लावाड यांची निवड

  परळी , दि.२४/०६/२०२५ (प्रतिनिधी)

    येथील मराठवाडा साहित्य परिषदेची बैठक ज्येष्ठ मार्गदर्शक बाळासाहेब देशमुख यांच्या मार्गदर्शनाखाली नुतन कार्यकारिणी गठीत करण्यासाठी मंगळवार दि.२४/०६/२०२५ रोजी सायं. ५:३० वा. कै. लक्ष्मीबाई देशमुख महिला महाविद्यालयात आयोजित करण्यात आली होती.

      या बैठकीत केंद्रीय कार्यकारिणीच्या निर्देशानुसार पदाधिकारी निवडण्यात आले. त्यात अध्यक्ष म्हणून विजय वाकेकर , सचिवपदी प्रा.डॉ.राजकुमार यल्लावाड , प्राचार्य अरुण पवार (उपाध्यक्ष ) , प्रा.संजय आघाव ( कोषाध्यक्ष ) ,दिवाकर जोशी (सहसचिव) , प्रा.डॉ.अर्चना चव्हाण (सहसचिव ) ,सिद्धेश्वर इंगोले ( प्रसिद्धी प्रमुख ),बालाजी कांबळे (संपर्कप्रमुख ) या प्रमुख पदाधिकाऱ्यांची निवड करण्यात आली.यावेळी पुढील पाच वर्षात साहित्य परिषदेची ध्येयधोरणे निश्चित करण्यात आली . 

     निवडीनंतर सत्कारप्रसंगी बोलताना नुतन अध्यक्ष विजय वाकेकर यांनी पुन्हा एकदा मराठवाडा साहित्य परिषद परळी शाखेला सुवर्णकाळ प्राप्त करून देण्याचा मनोदय व्यक्त केला.यावेळी मराठवाडा साहित्य परिषदेचे सदस्य उपस्थित होते.