निपर जेईई मध्ये देशातून 290 वा रँक

ज्ञानबोधिनी विद्यालयाची विद्यार्थिनी संपदा रेवले हिचा फार्मसी क्षेत्रातील यशाबद्दल सत्कार 

निपर जेईई मध्ये देशातून 290 वा रँक

परळी वैजनाथ, प्रतिनिधी....

 फार्मसी क्षेत्रातील अत्यंत प्रतिष्ठेच्या समजल्या जाणाऱ्या निपर जेईई या राष्ट्रीय स्तरावरील परीक्षेत ज्ञानबोधिनी विद्यालयाची विद्यार्थिनी संपदा सुवर्णा भगवान रेवले हिने देशभरातून 290 वा रँक मिळवला आहे.त्याबद्दल ज्ञानबोधिनी विद्यालयात संपदाच्या भव्य सत्काराचे आयोजन करण्यात आले होते.

          या कार्यक्रमाचे अध्यक्षस्थानी अखिल भारतीय संस्कृत  प्रचारिणी संस्थेचे सचिव तथा ज्ञानबोधिनी प्राथमिक विद्यालयाचे सन्माननीय मुख्याध्यापक श्री मुंडे सर हे होते, तर प्रमुख पाहुणे म्हणून श्री.शेप सर, श्री. जाधव सर हे उपस्थित होते.

              सत्काराला उत्तर देताना संपदाने सांगितले की जसे एखादी बिल्डिंग बांधताना त्याचा पाया मजबूत असेल तर बिल्डिंग देखील तितकीच मजबुतीने उभी राहते, त्याप्रमाणे माझे प्राथमिक शिक्षण हे ज्ञानबोधिनी विद्यालयात झाल्यामुळे माझा पाया  मजबूत झाला आहे.माझ्या या यशात माझी आई, माझे आजी आजोबा ,मामा मामी तसेच ज्ञानबोधिनी विद्यालयाचे फार मोठे योगदान आहे.

          कार्यक्रमाचे अध्यक्ष श्री. मुंडे सर यांनी संपदाचे कौतुक करताना म्हणाले की संपदा ही अतिशय हुशार व गुणी मुलगी आहे. लहानपणापासूनच ती शिकत असताना तिची आई तिच्यासाठी घेत असलेले परिश्रम तिने पाहिले होते व तिच्या शिक्षणासाठी आईने कधी काही कमी पडू दिले नाही याची जाणीव ठेवत संपदाने कठोर परिश्रम, जिद्द आणि चिकाटीच्या जोरावर हे यश मिळविले आहे असे सांगितले व तिच्या उज्वल भविष्यासाठी ज्ञानबोधिनी विद्यालयाच्या वतीने शुभेच्छा दिल्या.

           या कार्यक्रमाचे सुत्रसंचालन श्रीमती कटके मॅडम यांनी तर आभार प्रदर्शन श्री. गोपनपाळे सर यांनी मानले.हा कार्यक्रम यशस्वी करण्यासाठी शाळेतील शिक्षक,शिक्षिका व शिक्षकेत्तर कर्मचारी यांनी परिश्रम घेतले.