मिलिंद विद्यालयात 'शालेय क्रिडा व सांस्कृतिक सप्ताहाची' प्रा.डाॅ.यल्लावाड यांच्या मार्गदर्शनाने सांगता
परळी वै.(प्रतिनिधी):नाथ शिक्षण संस्था संचलित, मिलिंद माध्यमिक विद्यालय व मिलिंद ज्युनियर कॉलेज,परळी वै.येथे संस्थेचे अध्यक्ष तथा महाराष्ट्र राज्याचे माजी मंत्री तसेच विद्यमान आमदार .धनंजय मुंडे यांच्या वाढदिवसानिमित्त; संस्थेच्या सचिव सौ.राजश्रीताई धनंजय मुंडे व सहसचिव प्रदिप खाडे यांच्या मार्गदर्शनाखाली नाथ शिक्षण संस्थेच्या वतीने आयोजित 'शालेय क्रिडा व सांस्कृतिक सप्ताहाचा' प्रा.डाॅक्टर राजकुमार यल्लावाड सर यांच्या मार्गदर्शनाने व बक्षीस वितरण कार्यक्रमाने समारोप करण्यात आला.
धनंजयजी मुंडे यांच्या वाढदिवसाच्या निमित्तानं आयोजित सप्ताहाच्या सांगता कार्यक्रमास अध्यक्षस्थानी शाळेचे मुख्याध्यापक श्री.कदरकर बी.जी. , प्रमुख मार्गदर्शक म्हणून प्रा.डाॅ.राजकुमार यल्लावाड, मिलिंद ज्युनियर कॉलेजचे प्राचार्य श्री.शिंदे व्ही.एन.,उप-प्राचार्य श्री.इरफान शेख, वृक्षमित्र श्री.सुनील आदोडे इत्यादी मान्यवर मंचावर उपस्थितीत होते.
कार्यक्रमाची सुरुवात क्रांतिज्योती सावित्रीबाई फुले यांच्या प्रतिमेस मान्यवरांच्या हस्ते पुष्पहार अर्पण करण्यात आली.
कार्यक्रमात प्रमुख मार्गदर्शन म्हणून उपस्थितीत मराठवाडा साहित्य परिषदेचे पदाधिकारी प्राध्यापक डाॅक्टर राजकुमार यल्लावाड सर यांनी उपस्थितीत विद्यार्थ्यांस मोलाचे मार्गदर्शन केले.
धनंजयजी मुंडे यांच्या वाढदिवसा निमित्त आयोजित सप्ताहाच्या सांगता कार्यक्रमात दिनांक १५ जुलै ते २२ जुलै पर्यंत घेण्यात आलेल्या विविध सहशालेय उपक्रमात सहभागी झालेल्या व यशस्वी झालेल्या विद्यार्थ्यांचा मान्यवरांच्या हस्ते शैक्षणिक साहित्य वाटप करून सत्कार करण्यात आला.
शाळेचे मुख्याध्यापक श्री.कदरकर बी.जी.यांनी विद्यार्थ्यांना मार्गदर्शन करत अध्यक्षीय समारोप केले.
कार्यक्रमास व मिलिंद माध्यमिक विद्यालयातील व मिलिंद ज्युनियर काॅलेजचे सर्व विद्यार्थी, शिक्षक, प्राध्यापक व शिक्षकेत्तर कर्मचारी उपस्थित होते.
कार्यक्रमाचे संचालन शाळेतील सांस्कृतिक विभाग प्रमुख श्री.नितीन व्हावळे सर यांनी केले तर आभार दराडे आर.डी. यांनी मानले.
टिप्पण्या
टिप्पणी पोस्ट करा