● उत्सुकता: संचालक मंडळ बिनविरोध की निवडणूक होणार ?

वैद्यनाथ बँकेच्या निवडणुकीचा बिगुल वाजला!

१७ जागांसाठी रणधुमाळी, १० ऑगस्टला मतदान तर 12 ऑगस्टला मतमोजणी

परळी वैजनाथ (प्रतिनिधी) – 

      वैद्यनाथ अर्बन को-ऑपरेटिव्ह बँक लि., परळी वैजनाथच्या संचालक मंडळ निवडणुकीचा कार्यक्रम अखेर जाहीर झाला आहे. जिल्हा उपनिबंधक व निवडणूक निर्णय अधिकारी समृत जाधव यांनी निवडणुकीचा कार्यक्रम  जाहीर केला आहे. बँकेच्या संचालक मंडळाच्या १७ जागांसाठी ही निवडणूक प्रक्रिया होणार आहे. सध्या या बँकेवर ना.पंकजा मुंडे यांच्या नेतृत्वाखालील संचालक मंडळ आहे.
          ७ ते ११ जुलै दरम्यान सकाळी ११ ते दुपारी ३ या वेळेत नामनिर्देशन अर्ज स्वीकारले जाणार आहेत. १४ जुलै रोजी अर्जांची छाननी होणार आहे. इच्छुक उमेदवारांसाठी अर्ज मागे घेण्याची मुदत १५ जुलै ते २९ जुलैपर्यंत ठेवण्यात आली आहे. अंतिम यादी व चिन्हांचे वाटप ३० जुलै रोजी होईल. मतदान १० ऑगस्टला – सकाळी ८ ते संध्या ४ वा.पर्यंत होणार आहे.१२ ऑगस्टला सकाळी ८ वाजल्यापासून मतमोजणीस सुरुवात होवुन  निकाल लागेल.

🔹१७ जागा व संचालक जागांचे आरक्षण पुढीलप्रमाणे:

सर्वसाधारण – १२ जागा

अनुसूचित जाती – १ जागा

इतर मागासवर्गीय – १ जागा

भटक्या विमुक्त व विशेष मागास प्रवर्ग – १ जागा

महिला प्रतिनिधी – २ जागा


निवडणूक कार्यक्रम पुढीलप्रमाणे आहे:

नामनिर्देशन पत्र दाखल करण्याची मुदत: 7 जुलै ते 11 जुलै, सकाळी 11 ते दुपारी 3 या वेळेत

छाननी प्रक्रिया: 14 जुलै

अर्ज मागे घेण्याची अंतिम मुदत: 15 जुलै ते 29 जुलै

चिन्हांचे वाटप व उमेदवारांची अंतिम यादी: 30 जुलै

मतदानाचा दिवस: 10 ऑगस्ट, सकाळी 8 ते संध्याकाळी 4

मतमोजणी: 12 ऑगस्ट, सकाळी 8 वाजल्यापासून सुरू