टीपीएस काॅलनीतील सुरक्षाव्यवस्था ऐरणीवर.....

 शक्तीकुंज वसाहतीत चोरी: घरफोडीत १ लाख ६२ हजारांचा ऐवज लंपास

परळी वैजनाथ, प्रतिनिधी......
    परळीतील शक्तीकुंज वसाहतीत पुन्हा एक जबरी चोरी झाली असुन या घरफोडीत १लाख ६२ हजारांचा ऐवज लंपास करण्यात आला आहे. याप्रकरणी अज्ञाताविरुद्ध गुन्हा दाखल करण्यात आला आहे.
       याबाबत पोलीस सूत्रांकडून प्राप्त अधिक माहितीनुसार, नंदकुमार बळीराम राठोड वय-३५ वर्षे व्यवसाय वकील रा. एकवी तांडा ता. औसा जि. लातुर ह.म टीपीएस कॉलनी परळी वै. यांच्या घरी दिनांक २०/०७/२०२५ रोजी सायंकाळी ५ वा. ते दि. २१/०७/२०२५ रोजीचे ५.३० वा.चे पूर्वी जबरी चोरीची घटना घडली.अज्ञात चोरट्याने दरवाजाचा कडी कोंडा तोडुन आत मध्ये प्रवेश करुन घरातील कपाटाचे लॉक व लॉकरचे लॉक तोडुन आतमधील सोन्याचे दागीने व नगदी रुपये व एक मोबाईल  लंपास केला आहे.या घरफोडीत ५९,३२८ रु.किंमतीचे सोन्याच्या गंठणमधील मणी,३२,०००/- रुपये किंमतीचा सोन्याचा पत्ता,४५,०००/- रुपये किंमतीचे सोन्याचे कानातील सरपाळे,५,०००/- रुपयाचे लहान मुलाचे कानातील,१४,०००/- रु. नगदी,७००० रु.किंमतीचा जुना वापरता मोबाईल असा एकुण १,६२,३२८ ऐवज लंपास करण्यात आला आहे.
       याप्रकरणी  संभाजीनगर पोलीस ठाण्यात अज्ञाताविरुद्ध गुरन. १५४/२०२५ कलम ३०५,३३३,३३१ (४) मा. न्या. संहिता २०२३ प्रमाणे गुन्हा दाखल करण्यात आला आहे.पुढील तपास संभाजीनगर पोलीस करीत आहेत.