कौतुकाची पाठीवर थाप....!

NEET 2025 मध्ये यशस्वी झालेल्या कु. मधुरा तिळकरीचा आर्ट ऑफ लिव्हिंग परिवारा कडून गौरव

परळी वैजनाथ (प्रतिनिधी) :परळी शहरातील कु. मधुरा संदीप तिळकरी हिने NEET 2025 परीक्षेत उल्लेखनीय यश संपादन करून आपल्या परिवारासह शहराचेही नाव उज्ज्वल केले आहे. तिचा शासकीय वैद्यकीय महाविद्यालय, सातारा येथे एम.बी.बी.एस. या कोर्ससाठी प्रवेश निश्चित झाला आहे. या यशाचा आनंद व्यक्त करत आर्ट ऑफ लिव्हिंग परिवार, परळी वै यांच्या वतीने तिचा उत्साहवर्धक सत्कार करण्यात आला.

सत्कार कार्यक्रमाला महादेव इटके, आर्ट ऑफ लिव्हिंगचे ज्येष्ठ प्रशिक्षक श्री. सुदाम कापसे,  शिरीष चौधरी, सौ. रेणुका चौधरी, कु. मधुरा महादेव इटके,  संदीप तिळकरी आदी मान्यवर उपस्थित होते. तसेच संस्थेचे ज्येष्ठ स्वयंसेवक श्री. संजयभैया सेवलकर यांनीही उपस्थित राहून कु. मधुरा हिच्या मेहनतीचे व जिद्दीचे मनापासून कौतुक केले.

     कु. मधुराच्या या यशामध्ये तिचे वडील आदर्श शिक्षक  संदीप तिळकरी यांचा विशेष मोलाचा वाटा आहे. त्यांनी मुलीच्या शिक्षणासाठी सातत्याने योग्य मार्गदर्शन केले तसेच अभ्यासातील शिस्त, वेळेचे नियोजन आणि प्रामाणिक परिश्रम यांचे महत्व समजावून सांगितले. यासोबतच काका  दीपक तिळकरी, काकू सौ. वर्षा दीपक तिळकरी आणि भाऊ चि. सोहम यांनीही अखंड पाठबळ दिले. त्यांच्या प्रेरणेने आणि सहकार्यानेच मधुराने हे स्वप्न साकार केले.

कार्यक्रमाच्या शेवटी आर्ट ऑफ लिव्हिंग परिवाराच्या वतीने कु. मधुरा हिला उज्ज्वल भवितव्याच्या शुभेच्छा देण्यात आल्या. पालक, नातेवाईक व शिक्षकांनीही तिच्या या यशाबद्दल अभिमान व्यक्त केला.