शिक्षकांनी प्राचीन मूल्य संस्कारांचा आदर्श जपावा !
अभ्यासक डॉ.नरेंद्र शिंदे यांचे विचार
Parli Vaijnath:परळी वैजनाथ दि.९---
भारताचा प्राचीन वैभवशाली काळ हा गुरु- शिष्यांचे पवित्र नाते जपणारा व मूल्याधिष्ठित समाजाची निर्मिती करण्यास पूरक होता. प्राचीन संस्कृत वाङ्मयात प्रतिपादित केलेल्या विचारांची जोपासना केल्यास सद्ययुगात मूल्याधिष्ठित समाजाची निर्मिती होऊ शकते.यासाठी शिक्षकांनी प्राचीन मूल्य संस्कारांचा आदर्श जपावा, असे आवाहन अभ्यासक प्रा. डॉ. नरेंद्र शिंदे यांनी केले.
Vaidyanath College: येथील वैद्यनाथ महाविद्यालयात काल (दि.८) संयुक्तरित्या संस्कृत दिन व शिक्षक दिन या कार्यक्रमाचे आयोजन करण्यात आले होते. अध्यक्षस्थानी महाविद्यालयाचे प्राचार्य डॉ. जे. व्ही. जगतकर हे होते. तर व्यासपीठावर विद्यापीठ विद्या परिषदेचे सदस्य डॉ. पी. एल. कराड,उपप्राचार्य डॉ. व्ही. बी. गायकवाड, प्रा. एच.डी. मुंडे पर्यवेक्षक डॉ. एन. एम. आचार्य समन्वयक प्रा. यु. आर. कांदे आदींची उपस्थिती होती.
Sanskritdin: यावेळी डॉ. शिंदे यांनी संस्कृत भाषेचे महत्त्व विशद करून प्राचीन वाङ्मयात गुरु-शिष्यांचे नाते मौलिक स्वरूपाचे होते. त्यामुळेच तो काळ भौतिक व आध्यात्मिक दृष्ट्या प्रगत होता. त्या दृष्टीने सद्ययुगात शिक्षकांनी मानवी मूल्यांनी परिपूर्ण करावे. कारण समाज व राष्ट्राच्या जडणघडणीत शिक्षकाचे सर्वात मोठे योगदान असते. मूल्य संस्कारांची जोपासना करणारा शिक्षक हाच विद्यार्थी व समाजाला नवी दिशा देऊ शकतो, असे उद्गार काढले.
अध्यक्षीय समारोपात प्राचार्य डॉ. जे.व्ही. जगतकर यांनी शिक्षक हा नव्या युगाचा शिल्पकार असल्याचे प्रतिपादन केले. प्रारंभी मान्यवरांनी तत्त्वज्ञ शिक्षक व माजी राष्ट्रपती डॉ. सर्वपल्ली राधाकृष्णन यांच्या प्रतिमेला अभिवादन केले. त्यानंतर विद्यार्थ्यांनी निर्मिलेल्या भित्तिपत्रकांचे विमोचन करण्यात आले. तर विविध स्पर्धांमध्ये यश संपादन केलेल्या विद्यार्थ्यांना पारितोषिकांचे वितरण करण्यात आले. यावेळी संकेत मोकाशे, पूजा सदरे, साक्षी गित्ते या विद्यार्थ्यांनी मनोगत व्यक्त केले.
याप्रसंगी विद्यार्थ्यांनी सर्व प्राध्यापकांचा सत्कार केला व सर्वांप्रती दीर्घायुष्य चिंतीले.
प्रास्ताविक डॉ. आचार्य यानी केले. सूत्रसंचालन काशिनाथ मरगीळ व गौरव पुजारी यांनी केले , तर आभार मयुरेश दुरुगकर व आदित्य गित्ते यांनी मानले.
टिप्पण्या
टिप्पणी पोस्ट करा