“पप्पू पास हो गया, पप्पू मेरीट आ गया!”

 परळी संचार” दिवाळी अंकाचे आमदार धनंजय मुंडे यांच्याकडून तोंडभरून कौतुक

संस्कृती, अध्यात्म आणि परळीचे सामाजिक प्रतिबिंब उजळवणारा अंक

परळी (प्रतिनिधी) : परळी शहराच्या सांस्कृतिक आणि सामाजिक जीवनाचे प्रतिबिंब दर्शवणाऱ्या ‘परळी संचार’ या सर्वांगसुंदर दिवाळी अंकाचे आमदार धनंजय मुंडे यांनी तोंडभरून कौतुक केले. “हा अंक केवळ दिवाळी अंक नसून परळीच्या सांस्कृतिक समृद्धीचा दस्तऐवज आहे,” अशा शब्दांत त्यांनी संपादक अनंत कुलकर्णी यांच्या प्रयत्नांचे मनापासून अभिनंदन केले.

सुंदर मुखपृष्ठ, आकर्षक मांडणी आणि विषयानुरूप अभ्यासपूर्ण लेख यामुळे ‘परळी संचार’ दिवाळी अंक वाचकांचे लक्ष वेधून घेत आहे. संस्कृत पंडिता डॉ. मंजुषा कुलकर्णी यांच्या कर्तृत्वावर आधारित लेखाने या अंकाची शैक्षणिक उंची वाढवली असल्याचे मुंडे यांनी नमूद केले. “पप्पू पास हो गया, पप्पू मेरीट आ गया!” या विनोदी परंतु कौतुकपूर्ण शैलीत त्यांनी संपादकांच्या धडपडीचा गौरव केला.

अत्यंत साध्या परिस्थितीतून पुढे येत समाजातील सर्व घटकांशी सुसंवाद ठेवून अनंत कुलकर्णी यांनी हा अंक साकारला आहे. अनेक सहकाऱ्यांच्या सहयोगातून साकारलेल्या या अंकाने परळीच्या सांस्कृतिक, अध्यात्मिक आणि राजकीय परंपरेचे जिवंत चित्र उभे केले आहे.

आमदार मुंडे म्हणाले, “‘परळी संचार’ हा केवळ एक मासिक नाही, तर परळी शहराच्या विचारप्रवाहाचे आरसे आहे. अशा प्रयत्नांमुळे स्थानिक लेखन आणि सांस्कृतिक चळवळींना नवसंजीवनी मिळते.”

यावेळी उपस्थित मान्यवरांनीही संपादक अनंत कुलकर्णी आणि त्यांच्या सहकाऱ्यांचे अभिनंदन करून भविष्यातही अशाच दर्जेदार अंकांच्या माध्यमातून परळीचे वैभव उंचावावे, अशी अपेक्षा व्यक्त केली. दरम्यान  या परळी संचार दीपावली अंकाची सजावट  व आकर्षित मांडणी करणारे  दता शिवगण तसेच  उत्कृष्ट प्रिंटींग साठी सहकार्य करणारे विठ्ठल साबळे यांचेही संपादक अनंत कुलकर्णी यांनी आभार व्यक्त केले