गाठीभेटीवर भर!!!!

 भाजपा - राष्ट्रवादी (अजित पवार) युतीची प्रभाग 14 मध्ये प्रचारात आघाडी

सौ. पद्मश्री धर्माधिकारी, प्रा. पवन मुंडे, डॉ. पूजा तोतला यांना मतदारांचा प्रतिसाद

परळी वैजनाथ (प्रतिनिधी) भाजपा - राष्ट्रवादी काँग्रेस (अजित पवार) युतीने प्रभाग क्रमांक 14 मध्ये प्रचारात जोरदार आघाडी घेतली आहे. युतीच्या नगराध्यक्ष पदाच्या उमेदवार सौ. पद्मश्री बाजीराव धर्माधिकारी, नगरसेवक पदाचे उमेदवार प्रा. पवन मुंडे, डॉ. पुजा तोतला यांना मतदारांचा उत्स्फूर्त प्रतिसाद मिळत आहे. विविध भागात काढण्यात आलेल्या प्रचार फेरीला नागरिकांनी प्रतिसाद दिला. 

    प्रभाग क्रमांक 14 मधील बाजीप्रभू नगर, घरणीकर कॉलनी, गुरुकृपा नगर आदी ठिकाणी उमेदवारांनी नागरिकांच्या भेटी गाठी घेत नागरिकांशी संवाद साधला. यावेळी ठिकठिकाणी मतदारांनी उमेदवारांचे स्वागत केले. तुमच्यामुळेच आमच्या विभागाचा विकास झाला असून आगामी काळातही आम्ही तुम्हालाच मतदान करणार आहोत. असा शब्द यावेळी मतदारांनी उमेदवारांना दिला. युतीच्या उमेदवारांनाच प्रचंड मतांनी निवडून आणण्याचा निर्धार नागरिकांनी व्यक्त केला.

   प्रचार फेरीत उमेदवार प्रा. पवन मुंडे, डॉ. पुजा प्रितेश तोतला यांच्यासह पवन मोदाणी, संजय गर्जे, पवन करवा, पंकज तापडिया, राजेश दाड, आनंद तोष्णीवाल, सचिन गित्ते, रामेश्वर पवार, गणेश भट, नवनाथ मुंडे,नितीन वायचळे, गिरीश मुंदडा,आकाश देशमुख, मधुर कराड,कृष्णा मुंडे, सोमनाथ कांदे आदींसह नागरिक मोठ्या संख्येने सहभागी झाले होते.