MB NEWS:सेवानिवृत्त पोलीस निरिक्षक श्रीराम सपकाळ यांचे निधन
सेवानिवृत्त पोलीस निरिक्षक श्रीराम सपकाळ यांचे निधन
अंबाजोगाई : सेवानिवृत्त पोलीस निरिक्षक श्रीराम सपकाळ यांचे आज गुरूवारी (दि.२२) सकाळी ८ वाजता औरंगाबाद येथील खाजगी रूग्णालयात अल्पशा आजाराने निधन झाले. मृत्यूसमयी त्यांचे वय ७० वर्षे होते.
श्रीराम सपकाळ हे १९८२-८५ या कालावधीत अंबाजोगाईत पोलीस ठाणे प्रमुख होते. त्या काळात त्यांचे अंबाजोगाईशी कायमचे ऋणानुबंध जोडले गेले. अंबाजोगाईत त्यांचा मोठा मित्र परिवार आहे. त्यानंतर त्यांनी वसमत, नागपूर, जळगाव, अहमदनगर कर्तव्य बजावले. २००९ साली ते सेवानिवृत्त झाले. त्यानंतर ते औरंगाबाद येथे स्थायिक झाले होते. काही दिवसापूर्वी त्यांना प्रकृती अस्वास्थ्यामुळे औरंगाबाद येथील खाजगी रूग्णालयात दाखल करण्यात आले होते. तिथे आज गुरूवारी सकाळी ८ वाजता त्यांची प्राणज्योत मालवली. त्यांच्या पश्चात एक मुलगा, तीन मुली, सुन, नातवंडे असा परिवार आहे. सोलापूरचे जिल्हा कृषी अधिकारी उमेश बिराजदार, पालघरचे जिल्हा पोलीस अधीक्षक दत्तात्रय शिंदे आणि औरंगाबाद येथील कंत्राटदार प्रवीण चव्हाण यांचे ते सासरे होत. कै. श्रीराम सपकाळ यांच्या पार्थिवावर त्यांच्या मूळ गावी टाकळी (ता. कन्नड, जि. औरंगाबाद) येथे अंत्यसंस्कार करण्यात येणार आहेत.
श्री.सपकाळसाहेब मानवत येथे तेव्हापासून त्यांचे माझे मित्रत्वाचे संबंध होते.त्यानंतर त्यांनी बीड शहर पोलिस स्टेशन आणि अंबाजोगाई येथे काम केले. त्यांचा कार्यकाल अविस्मरणीय होते
उत्तर द्याहटवासमाजातील सर्वस्तरात त्यांचे सोहार्दपूर्ण संबंध होते. सेवानिवृत्तीनंतर तत्यांचु अनेकवेळा भेट झाली. फोनद्वारे संपर्क होता. पोलिसवर्दीतील या सन्मित्रास आम्ही मुकलोय आहोत
त्यांना भावपूर्ण श्रद्धांजली. सपकिळसाहेब आपण सदैवस्मरणात रहाला
ओम शांती
अशोक देशमुख