MB NEWS-विजेच्या पोलवर करंट उतरला; सहा वर्षीय मुलीचा मृत्यू ! महावितरणच्या गलथान कारभारामुळे जीव गमावल्याची नातेवाईकांची संतप्त भावना
विजेच्या पोलवर करंट उतरला; सहा वर्षीय मुलीचा मृत्यू !
महावितरणच्या गलथान कारभारामुळे जीव गमावल्याची नातेवाईकांची संतप्त भावना
परळी वैजनाथ, प्रतिनिधी...
महावितरणच्या गलथान कारभाराचा नमुना नेहमीच बघायला मिळतो परंतु या गलथान कारभारतून एका सहा वर्षीय चिमुकलीला आपला जीव गमवावा लागल्याची दुर्देवी घटना आज दिनांक 9 रोजी दुपारी 03:45 च्या सुमारास घडली आहे. या घटनेने नागरिक संतप्त झाले असून वारंवार सांगूनही करंट उतरणाऱ्या पोलची दुरुस्ती केले नसल्याचा आरोप या भागातील नागरिकांनी केला आहे.
याबाबत प्राप्त माहिती अशी की, महावितरण कार्यालयाच्या अगदी पाठीमागील बाजूस असलेल्या हबीब पुरा भागातील रस्त्यावर असलेल्या विजेच्या सार्वजनिक खांबावर गेल्या अनेक दिवसापासून करंट उतरत असल्याचे नागरिकांनी महावितरण कर्मचारी व कार्यालयाला वारंवार कळवले. या भागातील नागरिक नेहमी या खांबा पासून दूर राहत असत मात्र आज अतिशय दुर्दैवी घटना घडली असून या भागातील एक छोटी सहा वर्षीय मुलगी या खांबाला संपर्कात आली व करंट बसल्याने तिला आपला जीव गमवावा लागला. या बालिकेचा मृतदेह शवविच्छेदनासाठी उपजिल्हा रुग्णालयात दाखल करण्यात आला आहे. गौरी वैजनाथ घोटकर,वय ६ वर्षे असे या मयत मुलीचे नाव आहे. या दुर्दैवी घटनेनंतर या भागातील नागरिकांनी संतप्त भावना व्यक्त केल्या असून महावितरणच्या गलथान कारभाराने या मुलीला आपला जीव गमवावा लागल्याची चीड नागरिक व्यक्त करीत आहेत.
तारीख चुकली
उत्तर द्याहटवा