MB NEWS-परळीत देऊळबंद परिस्थितीत पायरी व कळस दर्शनाने श्रावणी पहिल्या सोमवारी भाविकांची श्रद्धा ओसंडली ! 🕳️ *वैद्यनाथ प्रभुंची पारंपरिक पद्धतीने मनमोहक श्रंगारपुजा(video)

 परळीत देऊळबंद परिस्थिती - पायरी व कळस दर्शनाने श्रावणी पहिल्या सोमवारी भाविकांची श्रद्धा ओसंडली !

🕳️ *वैद्यनाथ प्रभुंची पारंपरिक पद्धतीने मनमोहक श्रंगारपुजा

परळी वैजनाथ, प्रतिनिधी ..

         देऊळबंद परिस्थितीतही पायरी व कळस दर्शनाने परळीत भाविकांची श्रद्धा ओसंडली असल्याचे पहावयास मिळाले.पवित्र श्रावणमास पर्वकाळात दरवर्षी बारा ज्योतिर्लिंगांपैकी पाचवे ज्योतिर्लिंग असलेल्या वैद्यनाथ प्रभुंच्या दर्शनासाठी भाविकांची मोठी गर्दी होते.परंतु कोरोनाविषयक निर्बंधांमुळे गेल्या दोन वर्षांपासून दर्शनबंदी आहे.त्यामुळे भाविक पायरीवरच दर्शन घेत आहेत.आज श्रावणी पहिल्या सोमवारी भाविकांची दर्शनासाठी गर्दी झाली होती.

                श्रावणमास पर्वकाळात वैद्यनाथ मंदिर परिसर भाविकांच्या उपस्थितीने फुलून जातो. वैद्यनाथ मंदिर,संत जगमित्रनागा मंदिर आदींसह शहरातील मंदिरात दर्शनासाठी परळीत पंचक्रोशीतील हजारो भाविक येतात.पण सध्या या देउळबंद अवस्थेत मंदिरांची दारं बंद असल्याने भाविकांची श्रद्धा पायरीला दर्शन घेऊन वाहिली जात आहे.आज वैद्यनाथ मंदिर परिसरात हे चित्र बघायला मिळाले. या देऊळ बंद ने अनेक समस्या उभ्या केल्या आहेत. देवस्थानावरील अवलंबून असलेली छोटी मोठी व्यवसाय करणारी शेकडो शेकडो लोकांची घरे आता अस्वस्थ आहेत.

                         कोरोनाकाळात बारा ज्योतिर्लिंगांपैकी पाचवे ज्योतिर्लिंग असलेले वैद्यनाथ मंदिर बंदच आहे. श्रावण सोमवार निमित्त आज सकाळपासुन परळी शहरातील वैद्यनाथ मंदिर, विठ्ठल मंदीर,संत जगमिञनागा मंदिर, गणेश मंदिरात बाहेरून दर्शन घेतले आहे. प्रभु वैद्यनाथाचा दरवाजा बंद आहे. मंदिर जरी बंद असले तरी भाविकांनी मंदिराच्या पायरीचे व कळसाचे दर्शन घेतले.मंदिर परीसरात सकाळपासुन गर्दी झाल्याचे दिसून आले.  

 🕳️वैद्यनाथ मंदिर येथे श्रंगारपुजा......

                              दरम्यान, वैद्यनाथ मंदिर येथे प्रभु वैद्यनाथाची श्रृंगारपुजा करण्यात आली होती.पारंपारिक पद्धतीने वैद्यनाथाची विशेष पुजा व आरास मांडण्यात आली होती.आकर्षक श्रृंगारपुजा मन मोहित करणारी होती.