MB NEWS-परळी-परभणी रुटवर रेल्वे मार्ग विद्युतीकरणाचे काम वेगात सुरू

  परळी-परभणी रुटवर रेल्वे मार्ग विद्युतीकरणाचे काम वेगात सुरू

परळी/प्रतिनिधी

परळी वैजनाथ रेल्वे स्टेशन अंतर्गत रेल्वे ट्रॅकवरील विद्युतीकरणाचे काम सध्या चालू असून परळीपयर्ंंत लवकरच काम पूर्ण होणे अपेक्षित आहे. विद्युतीकरणामुळे रेल्वे गतीने धावणार असून या माध्यमातून रेल्वे स्थानकाचा दर्जा वाढण्यासोबत लांब पल्याच्या गाडयाही सुरू होवू शकतात.

परळी वैजनाथ रेल्वे स्टेशन अंतर्गत रेल्वे ट्रॅकचे विद्युतीकरण करण्यात येत असून नरसिंह पोखर्णी पासून पुढे सध्या काम चालू आहे. विद्युतीकरण झाल्यानंतर रेल्वेची गती वाढणार असून रेल्वेचा प्रवास अधिक सुलभ होण्यास मदत होणार आहे.

मिरज रेल्वे सुरू करा

लॉकडाऊन सुरू झाल्यापासून परळी-मिरज-परळी ही रेल्वे बंद करण्यात आली असून सुमारे दोन वर्ष रेल्वे बंद असल्याने या मार्गावरील प्रवाशांना अनेक अडचणींना तोंड द्यावे लागत आहे. पंढरपुर, कुर्डवाडी-मिरज या ठिकाणी जाण्यासाठी ही रेल्वे उपयुक्त असून मिरजहून पुढे अनेक ठिकाणी जाण्यासाठी या रेल्वेची कनेक्टीव्हीटी उपलब्ध होते.