MB NEWS IMPACT: वीज पुरवठा खंडित करण्यात आलेल्या गावांमध्ये जनावरांना पिण्यासाठी पाणी उपलब्ध व्हावे यासाठी एक तास वीज मिळणार !

नागरीकांनी बिल भरुन सहकार्य करावे - वीज वितरण कंपनीचे आवाहन

परळी वैजनाथ, प्रतिनिधी....

थकित वीज देयकांमुळे ग्रामीण भागात अनेक गावांचा वीजपुरवठा खंडित करण्यात आलेला आहे. याबाबत नागरिकांनी वीज बिल भरून सहकार्य करावे असे आवाहन महावितरण कंपनीच्या अधिकाऱ्यांनी केले आहे. वीज तोडणीमुळे मुके प्राणी, गुरेढोरे व जनावरांची पाण्याअभावी तडफड होत असल्याचा मुद्दा एम बी न्यूज ने प्रकर्षाने समोर आणला होता. या बातमीच्या अनुषंगाने वीज वितरण कंपनीने सकारात्मक पावले उचलत वीज पुरवठा खंडित करण्यात आलेल्या गावांमध्ये जनावरांना पिण्यासाठी पाणी उपलब्ध व्हावे यासाठी म्हणून एक तास वीज पुरवठा देण्याचे मान्य केले आहे.

Click-🌑 *सार्वजनिक पाणीपुरवठा बंद व मुक्या प्राण्यांचीही पाण्यावाचून तडफड*

तालुक्यातील अनेक गावांमध्ये थकबाकी असल्यामुळे वीज वितरण कंपनीने थकबाकी असणाऱ्या गावांना वीजपुरवठा देणे बंद केले आहे. मात्र संपूर्ण वीजपुरवठा बंद असल्यामुळे उन्हाळ्याच्या तोंडावर नागरिकांसह सार्वजनिक पाणीपुरवठा व जनावरांच्या पिण्याच्या पाण्याचा गंभीर प्रश्‍न निर्माण झाला होता. याबाबत एमबी न्युजने वृत्त प्रकाशित केले होते. या वृत्ताची तातडीने व सकारात्मक दखल घेऊन वीज वितरण कंपनीने एक तासासाठी वीज देण्याचे ठरविले आहे. नागरिकांनी आपल्याकडील थकबाकी भरून सहकार्य करावे व खंडित वीजपुरवठा घेण्याचा लाभ घ्यावा असे आवाहन वीज वितरण कंपनीच्या अधिकाऱ्यांनी केले आहे.