परळीजवळील चांदापूर तलावात बुडालेल्या युवकाचा दोन दिवसांनंतरही शोध लागेना; शोधकार्य युद्धपातळीवर सुरू परळी वैजनाथ: प्रतिनिधी... परळी शहराजवळील चांदापूर तलावात पोहण्यासाठी गेलेला सुमित कलशेट्टी (वय ३७, रा. सुर्वेश्वर नगर, परळी वैजनाथ) हा युवक पाण्याच्या खोलीचा अंदाज न आल्याने तलावात बुडाला. या दुर्दैवी घटनेला तब्बल दोन दिवस उलटून गेले आहेत. मात्र, अद्यापही या युवकाचा कोणताही पत्ता लागलेला नाही. स्थानिक प्रशासन आणि नागरिकांच्या वतीने तलावात शोधकार्य युद्धपातळीवर सुरू आहे. सुमित कलशेट्टी हे मंगळवारी (दि. २३ जून) सकाळी चांदापूर तलावात पोहण्यासाठी गेले होते. पोहत असताना अचानक पाण्याचा अंदाज चुकल्यामुळे ते तलावाच्या खोल भागात गेले आणि बेपत्ता झाले. ते बराच वेळ बाहेर न आल्याने उपस्थित नागरिकांच्या लक्षात ही बाब आली. घटनेची माहिती मिळताच स्थानिक नागरिकांनी आणि प्रशासकीय पथकाने तातडीने तलावाकडे धाव घेतली. गेल्या दोन दिवसांपासून स्थानिक आणि आपत्ती व्यवस्थापन पथकाच्या मदतीने तलावाच्या कानाकोपऱ्यात शोध घेतला जात आहे. मात्र, अद्याप यश आलेले नाही. या अत्यंत दुर्दैवी आण...

पंकजाताई मुंडे यांच्या नेतृत्वाखालील मार्केट कमिटी, जवाहर शिक्षण संस्था पॅनलच्या प्रचाराचा धडाक्यात शुभारंभ

गोपीनाथ गडावर नतमस्तक होऊन पॅनलच्या उमेदवारांनी केली प्रचाराला सुरवात

परळी वैजनाथ ।दिनांक २२।

भाजपच्या राष्ट्रीय सचिव पंकजाताई मुंडे यांच्या नेतृत्वाखालील कृषी उत्पन्न बाजार समिती व जवाहर शिक्षण संस्था निवडणूकीतील पॅनलच्या प्रचाराचा शुभारंभ आज अक्षय्य तृतीयेच्या मुहुर्तावर मोठया थाटात झाला. लोकनेते गोपीनाथराव मुंडे साहेब यांच्या समाधीचे दर्शन घेऊन दोन्ही निवडणूकीतील उमेदवारांनी प्रचाराला सुरवात केली.

परळी कृषी उत्पन्न बाजार समितीच्या १८ संचालकांच्या जागेसाठी २८ एप्रिल रोजी तर जवाहर शिक्षण संस्थेच्या ३२ जागांसाठी ६ मे रोजी मतदान होत आहे. या निवडणुकीत पंकजाताई मुंडे यांच्या नेतृत्वाखाली बाजार समितीसाठी लोकनेते शेतकरी विकास पॅनल तर जवाहर साठी लोकनेते गोपीनाथराव मुंडे जनसेवा पॅनल निवडणूक रिंगणात उतरले आहे. पूर्वनियोजित कार्यक्रमामुळे पंकजाताई मुंडे प्रचार शुभारंभाला उपस्थित राहू शकल्या नाहीत तथापि, उद्यापासून त्या मतदारांच्या भेटी घेऊन प्रचार करणार आहेत.

आज या दोन्ही पॅनलच्या सर्व उमेदवारांनी एकत्रित येऊन सायंकाळी गोपीनाथ गडावर जाऊन मुंडे साहेबांच्या समाधीचे दर्शन घेतले व त्यानंतर शहरातील मोंढा मैदानातील श्री हनुमान मंदिर येथे श्रीफळ फोडून दोन्ही पॅनलच्या प्रचाराचा शुभारंभ केला. माजी आमदार आर टी देशमुख, ज्येष्ठ नेते बंकटराव कांदे, राजेश देशमुख, दत्तापा इटके, विकासराव डुबे, भाजपचे तालुकाध्यक्ष सतीश मुंडे, शहराध्यक्ष जुगलकिशोर लोहिया, डाॅ.हरिश्चंद्र वंगे आदींसह भाजपचे सर्व पदाधिकारी, कार्यकर्ते, विविध संस्थांचे लोक प्रतिनिधी उपस्थित होते.

••••

Click:● *खळबळजनक: अतिकचे लावले पोस्टर:शहीदाचा दिला दर्जा;धार्मिक तेढ निर्माण करण्याचा प्रयत्न*

Video