परळीकरांसाठी अभिमानास्पद

परळीची सुकन्या अपेक्षा भालेरावची साहित्य क्षेत्रात भरारी;एमिली डिकिंसन पुरस्कारासाठी कवितासंग्रहाला नामांकन

परळी वैजनाथ, प्रतिनिधी....
     नामांकित प्रकाशन संस्था 'बुकलिफ पब्लिशिंग' ने परळीची सुकन्या अपेक्षा प्रमोद भालेराव हिचा 'होप' हा कवितासंग्रह प्रकाशित केला आहे.विशेष म्हणजे या कवितासंग्रहाला जागतिक स्तरावरील कवयत्री एमिली डिकिंसन पुरस्कारासाठी नामांकन प्राप्त झाले आहे. याबद्दल अपेक्षा भालेरावचे सर्व स्तरातून कौतुक होत आहे.
     परळीतील सर्व परिचित एलआयसीचे विकास अधिकारी प्रमोद भालेराव यांची सुकन्या कु.अपेक्षा हिचा 'होप' नावाचा पहिलाच कवितासंग्रह नामांकित प्रकाशन संस्था 'बुकलिफ पब्लिशिंग' ने प्रकाशित केला आहे. सर्व प्रकारच्या ऑनलाईन प्लॅटफॉर्मवर हा कवितासंग्रह उपलब्ध झाला आहे. ॲमेझाॅन, फ्लिपकार्ट यावर 'होप' कवितासंग्रह लोकप्रिय ठरत आहे.विशेष म्हणजे या कवितासंग्रहाला जागतिक स्तरावरील कवयत्री एमिली डिकिंसन पुरस्कारासाठी नामांकन प्राप्त झाले आहे.
      'होप' या कवितासंग्रहात
हार्ट टू हार्ट संवाद कवितेच्या रूपात मांडला असुन या कविता ह्रदयाला भिडणाऱ्या आहेत. जीवनाचे पैलू, सर्व भावना, जाणिवा व भावनांच्या हिंदोळ्यांचे संकलनच यामाध्यमातून झालेले आहे. कु.अपेक्षा हिचा 'होप' हा पहिलाच कवितासंग्रह आहे. सृजनशील कवयत्री म्हणुन उदयास येत असलेली अपेक्षा हिने अभियांत्रिकीची पदवी घेतलेली असून तिला लेखनाची आवड आहे. हे तिचे पहिले पुस्तक आहे आणि अजून बरेच काही लिहिण्याची इच्छा आहे. सध्या ती स्पर्धा परिक्षेची तयारी करत आहे.परंतु तिच्या माध्यमातून परळीतील एक प्रतिभावंत साहित्यिक, कवयत्री समोर आली आहे.तिची साहित्य क्षेत्रातील ही गौरवास्पद वाटचाल परळीसाठी अभिमानास्पद बाब आहे.तिच्या या भरारीसाठी सर्व स्तरातून तिचे अभिनंदन होत आहे.