MB NEWS:बाजार समिती निवडणूक:परळीत 97.50%मतदान; उद्या मतमोजणी

बाजार समिती निवडणूक: परळीत 97.50%मतदान; उद्या मतमोजणी

परळी वैजनाथ.....

परळी कृषी उत्पन्न बाजार समितीच्या 18 जागेसाठी शुक्रवार दि.28 एप्रिल रोजी सकाळी 8 ते दुपारी 4 या वेळेत पार पडलेल्या निवडणुकीत 2163 मतदारांपैकी 2109 मतदारांनी मतदानाचा हक्क बजावला.

परळी कृषी उत्पन्न बाजार समितीच्या निवडणुकीसाठी परळी,सिरसाळा व धर्मापुरी या तीन मतदान केंद्रावरील 8 बुथवर मतदान प्रक्रिया पार पडली.सेवा सहकारी सोसायटी मतदार संघात 647 पैकी 640 मतदारांनी मतदान केले.ग्रामपंचायत मतदार संघात 862 पैकी 849 मतदारांनी मतदान केले.व्यापारी मतदार संघात 382 पैकी 365 तर हमाल मापाडी मतदार संघातील 272 पैकी 255 मतदारांनी मतदानाचा हक्क बजावला.सकाळी 8 वाजता मतदानास सुरुवात झाल्यानंतर माजी मंत्री धनंजय मुंडे व भाजपा राष्ट्रीय सचिव पंकजा मुंडे हे दोघेही दुपारी 2 वाजेपर्यंत परळी जिल्हा परिषद शाळेतील मतदान केंद्राबाहेर तळ ठोकुन होते.मतमोजणी शनिवार दि.29 एप्रिल रोजी सकाळी 8 वाजता तहसिल कार्यालयात होणार असुन दुपारी एक वाजेपर्यंत निकाल अपेक्षित आहे.