गीता परिवार चा उपक्रम....

 परळीत लहान मुलांसाठी 'उन्हाळी सुट्टी विशेष' संस्कार शिबिराचे आयोजन

परळी वैजनाथ: प्रतिनिधी...

     येथील 'गीता परिवार' आणि 'बचपन प्रायमरी प्ले स्कूल' यांच्या संयुक्त विद्यमाने लहान मुलांसाठी विशेष उन्हाळी संस्कार शिबिराचे आयोजन करण्यात आले आहे. 'चला शिबिराला बालमित्रांनो!' या संकल्पनेवर आधारित हे शिबीर २२ एप्रिल ते १ मे २०२६ या कालावधीत पार पडणार आहे.

      मुलांवर उत्तम संस्कार व्हावेत आणि त्यांच्या सुट्टीचा सदुपयोग व्हावा, या उद्देशाने हे शिबीर आयोजित केले आहे. यामध्ये प्रामुख्याने शंखनाद प्रशिक्षण हे विशेष आकर्षण असणार आहे. याशिवाय रामरक्षा स्तोत्र, योगासने, मैदानी खेळ, निसर्ग सहल, नाटिका व नृत्य आणि गीता पठण असे वैविध्यपूर्ण उपक्रम राबवले जाणार आहेत. शिबिरात सहभागी मुलांना रोज पौष्टिक अल्पोपहारही दिला जाईल.या शिबिराद्वारे मुलांना श्रीराम जन्मोत्सव, सीता स्वयंवर, राम-सुग्रीव मैत्री आणि श्रीराम राज्याभिषेक अशा विविध प्रसंगांतून प्रभू श्रीरामांचा आदर्श आणि जीवनमूल्ये शिकवली जाणार आहेत. "सत्य, प्रेम, धैर्य धाम। आपले आदर्श श्रीराम।।" हे या शिबिराचे मुख्य सूत्र आहे.

      हे शिबीर वयोगट: ५ ते १५ वर्षे या गटाचे आहे .२२ एप्रिल ते १ मे २०२६ या कालावधीत दररोज दुपारी ३:३० ते ६:०० वा. या वेळेत होईल. शिबिरासाठी शुल्क: ३०० रुपये ठेवण्यात आले आहे.बचपन प्रायमरी प्ले स्कूल, कावेरी प्लाझा रोड, हनुमान मंदिर समोर, परळी वै. (जि. बीड). येथे आयोजित या शिबिरात जास्तीत जास्त पालकांनी आपल्या मुलांची नावे या शिबिरासाठी नोंदवावीत, असे आवाहन आयोजक सौ. ललिता जाजू, सौ. राजकन्या मंत्री आणि त्यांच्या सहकाऱ्यांनी केले आहे. अधिक माहितीसाठी ७८४१००५३७७ किंवा ९४२३७७७६३० या क्रमांकांवर संपर्क साधावा.