संत जगमित्रनागा मंदिरात पुरुषोत्तम मासानिमित्त अखंड हरिनाम सप्ताह

 नगराध्यक्षा सौ. पद्मश्री बाजीराव भैया धर्माधिकारी दांपत्याच्या शुभ हस्ते पूजन करून अखंड हरिनाम सप्ताहाचा शुभारंभ

परळी वैजनाथ (प्रतिनिधी) – येथील संत जगमित्र नागा मंदिरामध्ये पुरुषोत्तम मासानिमित्त अखंड हरिनाम सप्ताह तथा संत तुकाराम महाराज गाथा पारायणाचा शुभारंभ परळीच्या लोकप्रिय नगराध्यक्षा सौ. पद्मश्री बाजीराव धर्माधिकारी व श्री. बाजीरावभैया धर्माधिकारी यांच्या शुभहस्ते ग्रंथपूजन करून करण्यात आला.

या सप्ताहात राममहाराज, विश्वनाथ महाराजघोडके,सचिन महाराज गित्ते, संजयमहाराज तांबडे,कृष्णामहाराज गुट्टे, प्रा. श्याममहाराज नेरकर तसेच पुजेचे कीर्तन ॲड. दत्तात्रय महाराज आंधळे तर काल्याचे कीर्तन ह. भ. प. संदीपान महाराज हसेगावकर या़ंचे होणार आहे.अनेक मान्यवरांची कीर्तने होणार आहेत.

यावेळी नगराध्यक्षा सौ. पद्मश्री धर्माधिकारी यांचा सत्कार सौ. निर्गुणताई मुंडे यांच्या हस्ते करण्यात आला. तसेच माजी नगराध्यक्ष श्री. बाजीरावभैया धर्माधिकारी यांचा सत्कार श्री. शिवरत्न मुंडे यांनी केला.

यावेळी ह.भ.प. ज्ञानोबा माऊली रूमनेकर, ह.भ.प. प्रा. श्याम महाराज नेरकर, श्री. वसंतराव गीत्ते, श्री. रघुनाथ बोले, ह.भ.प. अंगद महाराज हिंगणीकर,श्री फुलचंद मु़ंडे,पुजारी उदय  औटी, श्री. जीवन शिंदे, सुरेश गीत्ते महाराज आदींची उपस्थिती होती.यावेळी सूत्रसंचालन ॲड. दत्तात्रय महाराज आंधळे यांनी केले.