राज्य शासनाच्या सांस्कृतिक व पर्यटन विभागाच्या वतीने माहितीपटासाठी पंचम ज्योतिर्लिंग वैद्यनाथ मंदिरात चित्रीकरण
परळी वैजनाथ, प्रतिनिधी -
राज्य शासनाच्या सांस्कृतिक व पर्यटन विभागाकडून एक राज्यातील प्रमुख शक्तिपीठं, ज्योतिर्लिंगांसह प्रमुख तीर्थस्थळं, धार्मिक ठिकाणांची विस्तृत माहिती देणारा ‘भक्ति-पर्यटना’वरील माहितीपट तयार करण्यात येत आहे. जागतिकस्तरावर माहिती पोहोचवण्याच्या दृष्टीने तयार करण्यात येणाऱ्या माहितीपटासाठी प्रत्यक्ष त्या-त्या गाव-शहरांमध्ये जाऊन चित्रीकरण करण्यात येत आहे. रविवारी अंबाजोगाईत आणि परळी-वैजनाथ येथे ‘भक्ति-पर्यटना’साठी चित्रीकरण पार पडले.
मराठवाड्यातील देवीची साडे तीन पीठांपैकी असलेली ठिकाणी आणि बारा ज्योतिर्लिंगांमधील तीन मंदिरांसह अन्य काही स्थळांचे माहितीपटासाठी चित्रीकरण करण्यात येत आहे. रविवारी अंबाजोगाईत आणि परळी-वैजनाथ येथे ‘भक्ति-पर्यटना’साठी चित्रीकरण पार पडले.सोमवारी माहूर, नांदेडचा गुरुद्वारा, आैंढा-नागनाथ आदी धार्मिक स्थळांच्या ठिकाणी चित्रीकरण होणार आहे. राज्य शासनाच्या सांस्कृतिक व पर्यटन विभागाकडून एक राज्यातील प्रमुख शक्तिपीठं, ज्योतिर्लिंगांसह प्रमुख तीर्थस्थळं, धार्मिक ठिकाणांची विस्तृत माहिती देणारा ‘भक्ति-पर्यटना’वरील माहितीपट तयार करण्यात येत आहे. जागतिकस्तरावर माहिती पोहोचवण्याच्या दृष्टीने तयार करण्यात येणाऱ्या माहितीपटासाठी प्रत्यक्ष त्या-त्या गाव-शहरांमध्ये जाऊन चित्रीकरण करण्यात येत आहे. रविवारी अंबाजोगाईत, परळी-वैजनाथ येथे ‘भक्ति-पर्यटना’साठी चित्रीकरण पार पडले.
मराठवाड्याचे एक द्वार असलेल्या तुळजापुरात तुळजाभवानी मंदिर परिसराचे चित्रीकरण नुकतेच पार पडले. रविवारी चित्रीकरणातील चमूने अंबाजोगाईत योगेश्वरी देवीचे व परळीत पंचम ज्योतिर्लिंग असलेल्या वैद्यनाथ मंदिर परिसराचे छायाचित्रण केले. सोमवारी माहूरची रेणुका माता, हिंगोलीतील आैंढा नागनाथ येथील ज्योतिर्लिंग, नांदेडमधील गुरुद्वारा, नरसी-नामदेव या तीर्थस्थळी जाऊन चित्रीकरण करण्यात येणार आहे. मराठवाड्यात तुळजापूरची देवी, माहूरची रेणुका माता ही दोन प्रमुख शक्तिपीठ आणि कोकणास्थांचे कुलदैवत असलेली योगेश्वरी देवी, तर छत्रपती संभाजीनगरजवळील घृष्णेश्वर, बीडमधील परळी वैजनाथ व आैंढा नागनाथ हे तीन ज्योतिर्लिंग आहेत.
"शासनाच्या सांस्कृतिक व पर्यटन विभागाकडून जागतिकस्तरावर महाराष्ट्रातील प्रमुख शक्तिपीठं, ज्योतिर्लिंग व अन्य देवस्थान स्थळांना पोहोचवण्यासाठी ‘भक्ति-पर्यटन’ हा माहितीपट तयार करण्यात येत आहे. पंढरपूरनंतर आम्ही मराठवाड्यातील तुळजापूर, तेर येथील चित्रीकरण करून रविवारी अंबाजोगाई व परळीत पोहोचलो. या पटाचे दिग्दर्शक शुभंकर करंडे आहेत."
- मंदार देशपांडे, कार्यकारी निर्माता.
टिप्पण्या
टिप्पणी पोस्ट करा