पनवेल-नांदेड शिवाजीनगरलाच तीन तासांपासून अडकली :

 डॉ. बाबासाहेब आंबेडकरांनी देशाला दिलेली राज्यघटना हा आपल्या प्रगतीचा आधारस्तंभ - डॉ. भरत मुंडे

टोकवाडीत भारतरत्न डॉ. बाबासाहेब आंबेडकर यांची जयंती उत्साहात साजरी

परळी वैजनाथ, प्रतिनिधी...

     डॉ. बाबासाहेब आंबेडकरांनी देशाला दिलेली राज्यघटना हा आपल्या प्रगतीचा आधारस्तंभ आहे. आपण सर्वांनी बाबासाहेबांच्या विचारांवर चालण्याचा संकल्प करूया असे आवाहन डॉ. भरत मुंडे यांनी केले.

       भारतरत्न डॉ. बाबासाहेब आंबेडकर यांच्या जयंतीनिमित्त जय हिंद सामाजिक प्रतिष्ठानचा सामाजिक उपक्रमाने साजरी करण्यात आली. भारतरत्न डॉ. बाबासाहेब आंबेडकर यांची जयंती टोकवाडी येथे मोठ्या उत्साहात  साजरी करण्यात आली.यावेळी गावात मिरवणुक दरम्यान उन्हाची तीव्रता लक्षात घेऊन जय हिंद सामाजिक प्रतिष्ठानच्या वतीने मोफत  पाण्याच्या बॉटल चे वाटप करण्यात आले.

       यावेळी पुढे बोलताना आपल्या भाषणात डॉ. भरत मुंडे यांनी कविता सादर करत आपले मनोगत व्यक्त केले. त्यांनी यावेळी सांगितले की,डॉ. बाबासाहेब आंबेडकर हे केवळ एका समाजाचे नेते नव्हते, तर ते संपूर्ण जगासाठी ज्ञानाचे प्रतीक आहेत. त्यांनी आपल्याला 'शिका, संघटित व्हा आणि संघर्ष करा' हा मंत्र दिला.भारतरत्न डॉ. बाबासाहेब आंबेडकर यांचे विचार समाजातील प्रत्येक घटकापर्यंत पोहोचवणे ही काळाची गरज आहे. आजच्या धावपळीच्या युगात शिक्षण हेच एकमेव शस्त्र आहे, ज्याच्या जोरावर आपण प्रगती करू शकतो. बाबासाहेबांचे विचार नुसते भिंतीवर लावू नका, तर ते आपल्या हृदयात आणि कृतीत आणा. एकमेकांना मदत करा, सामाजिक सलोखा राखा असे आवाहन डॉ. भरत मुंडे यांनी केले

     या कार्यक्रमास टोकवाडी चे पंचायत समिती  माजी सभापती बालाजी उर्फ पिंटू मुंडे, टोकवाडीच्या सरपंच गोदावरी ताई राजाराम मुंडे डॉ. राजाराम मुंडे माजी सरपंच मारोतराव मुंडे गुरुजी, नाथराव दादा मुंडे, संभाजी मुंडे (योग प्रशिक्षक),विवेकानंद हॉस्पिटलचे संचालक डॉ. भरत मुंडे , नवनाथ मुंडे,भाजपा तालुका उपाध्यक्ष संजय मुंडे , युवा नेते तुकाराम टी.डी.मुंडे, उद्योजक संतोष मुंडे , टोकवाडी ग्रामपंचायतचे माजी उपसरपंच बंडूभाऊ काळे डॉ. संदीपान काळे, सोपान तात्या मुंडे, श्रीराम मुंडे, ग्रामपंचायतचे विद्यमान सदस्य तुकाराम भक्तराम मुंडे, युवा उद्योजक अर्जुन मुंडे,ज्येष्ठ नेते महादेव आण्णा मुंडे , श्रीनिवास मुंडे,प्रदीप घुले, माउली फड, राजाभाऊ गित्ते,गणेश नागरगोजे,दिलीप भालेराव, भरत रोडे , पंडितराव रोडे,अमर रोडे , साहेबराव रोडे, माजी उपसरपंच सुरेश रोडे यांच्यासह अनेक मान्यवर उपस्थित होते.