अनोळखी व्यक्तीचे विहिरीत सापडले प्रेत
दिंद्रुड : तेलगाव येथील एका शेतकऱ्याच्या शेतात एका अनोळखी व्यक्तीचे प्रेत सापडल्याने एकच खळबळ उडाली. दरम्यान सदरील प्रेताचे ओळख अद्याप ही पटली नसल्याने प्रेत अंबाजोगाई येथील शासकीय रुग्णालयात शवागारात ठेवण्यात आले आहे.सदरील प्रेता बाबत कुणाला ओळख पटली तर दिंद्रुड पोलीसांशी संपर्क साधावा.असे आवाहन पोलीसांनी केले आहे.
यासंदर्भात पोलीसांकडून मिळालेली माहिती अशी की,तेलगाव ता.धारूर येथील एका शेतकऱ्याच्या शेतात सोमवारी सकाळी एका अज्ञात पुरूषाचे कुजलेल्या अवस्थेतील प्रेत विहिरीतील पाण्यात तरंगताना शेतकऱ्यास दिसुन आले.त्यावर संबंधित शेतकऱ्याने दिंद्रुड पोलीसांना याची माहिती दिली.त्यावर दिंद्रुड पोलीस तात्काळ घटनास्थळी दाखल झाले.पोलीसांनी परिसराची पाहणी करून विहिरीतील प्रेत पाहिले असता ते पालथे असल्याचे दिसून आले.स्थानिक शेतकरी व नागरिक यांच्या सहकार्याने पोलीसांनी प्रेत विहिरी बाहेर काढले.सदरील प्रेत हे गेल्या चार पाच दिवसांपासून विहिरीत असल्याचा अंदाज आहे.मयताच्या अंगावर पिवळ्या रंगाचे काळेपट्टे असलेला चौकडा शर्ट, गळ्यात लाल काळ्या रंगाचा दोरा, काळ्या रंगाची साधी पॅट विटकरी रंगाची अंडरविअर होती.प्रेत बाहेर काढल्यानंतर प्रेताची खुपच दुर्गंधी सुटली होती.याबाबत स्थानिक शेतकरी व नागरिक यांना प्रेताची ओळख पटवण्यासाठी विचारणा केली असता कुणाला ही याची ओळख पटली नाही.तर कांहींनी ही व्यक्ती वेडसर असल्याचे सांगितले.प्रेताची ओळख पटली नसल्याचे सदरील प्रेत अंबाजोगाई येथील रामानंद तीर्थ रूग्णालयाच्या शवागरात ठेवण्यात आले असून, प्रेता बाबत कोणाला ओळख पटली तर दिंद्रुड पोलीसांशी संपर्क साधावा असे आवाहन पोलीसांनी केले.याचा अधिक तपास दिंद्रुड पोलीस ठाण्याच्या प्रभारी सहाय्यक पोलीस निरीक्षक वर्षा व्हगाडे सह बीट जमादार मनोज झाटे, गायकवाड आदि करत आहेत.
टिप्पण्या
टिप्पणी पोस्ट करा