अल्पवयीन मुलीची गळफास घेऊन आत्महत्या
धारूर, प्रतिनिधी
धारूर तालुक्यातील आंबेवडगाव येथे एका अल्पवयीन मुलीने राहत्या घरी गळफास घेऊन आत्महत्या केल्याची दुर्दैवी घटना सोमवारी दुपारी घडली. या घटनेमुळे परिसरात हळहळ व्यक्त होत आहे .
स्वाती मारुती देठे (वय १३, रा. आंबेवडगाव) असे मृत मुलीचे नाव आहे. मिळालेल्या माहितीनुसार, सोमवारी दुपारच्या सुमारास स्वाती हिने घरातील पत्र्याच्या लोखंडी अडूला ओढणीच्या साहाय्याने गळफास घेतला. काही वेळाने हा प्रकार कुटुंबीयांच्या निदर्शनास आला. त्यांनी तातडीने धाव घेतली; मात्र तोपर्यंत तिचा मृत्यू झाला होता.
घटनेची माहिती मिळताच धारूर पोलिसांनी घटनास्थळी भेट देऊन पंचनामा केला. त्यानंतर मृतदेह शवविच्छेदनासाठी पाठविण्यात आला. या प्रकरणी धारूर पोलीस ठाण्यात अकस्मात मृत्यूची नोंद करण्यात आली आहे.मुलीचे वडील यांचे मागील दोन वर्षांपूर्वी निधन झाले होते .
दरम्यान, एवढ्या लहान वयात स्वातीने हे टोकाचे पाऊल का उचलले, याचे कारण अद्याप स्पष्ट होऊ शकलेले नाही. पोलिसांकडून विविध अंगांनी तपास सुरू आहे
टिप्पण्या
टिप्पणी पोस्ट करा