माझी बातमी MB NEWS

शेतकऱ्याकडून २ हजार रुपयांची लाच मागणारा पोलीस कर्मचारी एसीबीच्या जाळ्यात परळी वैजनाथ, एमबी न्यूज वृत्तसेवा....        सिरसाळा पोलीस ठाण्यात लाचलुचपत प्रतिबंधक विभागाने  कारवाई करत शेतकऱ्याकडून लाच मागणाऱ्या पोलीस कर्मचाऱ्यावर गुन्हा दाखल केला आहे. या घटनेमुळे पोलीस यंत्रणेत एकच खळबळ उडाली आहे. प्राप्त माहितीनुसार, एका शेतकऱ्याचा ऊस वाहतूक करताना इतर काही शेतकऱ्यांनी विरोध केला होता. याप्रकरणी संबंधित शेतकऱ्याने सिरसाळा पोलीस ठाण्यात तक्रार अर्ज दिला होता. या तक्रारीवर कारवाई करण्यासाठी पोलीस कर्मचारी दत्ता निघूळ यांनी तक्रारदाराकडे २ हजार रुपयांची लाच मागितल्याचे समोर आले. तक्रारदाराने याबाबत लाचलुचपत प्रतिबंधक विभागाकडे तक्रार केली. त्यानुसार लाचलुचपत प्रतिबंधक विभागाच्या पथकाने सापळा रचला. मात्र, पैसे स्वीकारताना संशय आल्याने संबंधित कर्मचाऱ्याने लाच स्वीकारली नाही. तरीही लाच मागितल्याचे स्पष्ट झाल्याने एसीबीने त्याला ताब्यात घेतले.       या प्रकरणी सिरसाळा पोलीस ठाण्यातच संबंधित पोलीस कर्मचाऱ्या विरोधात गुन्हा दाखल करण्यात आला असून पुढील तपास...

  श्रीमती मैनाबाई मुळाटे यांचे निधन; आज अंत्यसंस्कार प्रेस कामगार रामभाऊ मुळाटे यांना मातृशोक परळी वैजनाथ :  परळी शहरातील जुने प्रेस कामगार रामभाऊ मुळाटे यांच्या मातोश्री तथा वैद्यनाथ गल्ली, परळी वैजनाथ येथील रहिवासी (सध्या मुक्काम योगेश्वरी कॉलेजच्या पाठीमागे, अंबाजोगाई) श्रीमती मैनाबाई वीरभद्र मुळाटे वय 88 वर्ष यांचे आज दिनांक ३० मार्च रोजी सकाळी १० वाजता अल्पशा आजाराने दुःखद निधन झाले. त्यांचा अंत्यविधी आज दुपारी ४ वाजता बोरुळ तलाव येथे करण्यात येणार आहे. श्रीमती मैनाबाई मुळाटे या अत्यंत प्रेमळ व मनमिळावू स्वभावाच्या असल्यामुळे परिसरात सर्वपरिचित होत्या. कोष्टी समाजाच्या विविध धार्मिक व सामाजिक उपक्रमांत त्या सक्रिय सहभाग घेत असत. पंचम ज्योतिर्लिंग प्रभू श्री वैद्यनाथाच्या दर्शनासाठी त्या नित्यनेमाने जात असत, अशी त्यांची धार्मिक वृत्ती होती. त्यांच्या पश्चात एक मुलगा, एक मुलगी, सुन, जावई, नातवंडे व पतवंडे असा मोठा परिवार आहे. त्यांच्या निधनाने परिसरात हळहळ व्यक्त करण्यात येत आहे.

  परळी बसस्थानक परिसरात सापडलेल्या दीड वर्षांच्या मुलीबाबत पोलीसांची शोध मोहीम सुरू परळी वैजनाथ, प्रतिनिधी.  परळी बसस्थानक परिसरात एका दीड वर्षांच्या मुलीला तिच्या आई-वडिलांनी किंवा पालकांनी उघड्यावर सोडून दिल्याची धक्कादायक घटना समोर आली आहे. या प्रकरणी पोलिसांनी गुन्हा दाखल करून तपास सुरू केला आहे. याबाबत मिळालेल्या माहितीनुसार, *दिनांक 30 जानेवारी 2026 रोजी* सायंकाळी सुमारे 7 वाजण्याच्या सुमारास परळी बसस्थानक परिसरात संबंधित मुलगी आढळून आली. याबाबत सालोमन मायकल कसबेकर (वय 52, व्यवसाय – नोकरी, अधीक्षक आशा शिशुगृह, परभणी, रा. चिद्रावर नगर, जुना पेंढगाव रोड, परभणी) यांनी *दिनांक 26 मार्च 2026 रोजी संभाजीनगर परळी वैजनाथ पोलीस स्टेशन येथे फिर्याद दिली.* या फिर्यादीवरून पोलिसांनी भारतीय न्याय संहिता कलम 93 अन्वये गुन्हा दाखल केला असून, या प्रकरणाचा तपास पोलीस उपनिरीक्षक ए. टी. शिंदे हे करीत आहेत.दरम्यान, तपासादरम्यान संबंधित मुलीचे आई-वडील किंवा पालकांचा शोध घेणे अत्यंत आवश्यक असल्याचे पोलिसांनी सांगितले आहे.  जर कोणाला या मुलीबाबत किंवा तिच्या पालकांबाबत कोणतीही माहिती असल्...

  मातृत्वाच्या भावनेतून मी तुमची सेवक म्हणून काम करतेय ; सर्व सामान्य, गोरगरीबांची कामे करताना कायम पाठिशी राहील ना. पंकजा मुंडे यांच्या हस्ते अंबाजोगाईत जनसंपर्क कार्यालयाचे थाटात उदघाटन बीड जिल्ह्यात शत प्रतिशत भाजपची सत्ता, हेच आपले स्वप्न अंबाजोगाई दि. २८.. बीड हा माझा जिल्हा आहे. या जिल्ह्यावर माझे विशेष प्रेम आहे. 'आईची माया दाईला येत नसते' या पद्धतीने या जिल्ह्याच्या विकासासाठी आपली सदैव तळमळ राहिली आहे आणि राहणार आहे. मी तुमची सेवक म्हणून काम करणार आहे, यात मातृत्वाची भावना देखील आहे. मंत्री असताना मी यापूर्वीही अंबाजोगाईत जनतेच्या कामांसाठी कार्यालय सुरू केले होते.त्याच प्रथेला अनुसरून आज अंबाजोगाई येथे संपर्क कार्यालय सुरू केले आहे. हे कार्यालय सर्वसामान्य जनतेला विनासायास व विनाकष्ट जिथल्या तिथे त्यांची कामे होण्यासाठी कार्यरत राहील अशी ग्वाही राज्याच्या पर्यावरण व पशुसंवर्धन मंत्री ना. पंकजाताई मुंडे यांनी आज येथे दिली.        शहरातील प्रशांत नगर येथे सुरू करण्यात आलेल्या जनसंपर्क कार्यालयाचे उदघाटन ना. पंकजाताई मुंडे यांच्या हस्ते आज झाले त्यावेळी ज...

३५ वर्षांपासून फरार असलेल्या दरोडेखोराला बीड पोलिसांनी ठोकल्या बेड्या   ​बीड, प्रतिनिधी... बीड जिल्ह्याचे पोलीस अधीक्षक नवनीत काँवत यांच्या मार्गदर्शनाखाली स्थानिक गुन्हे शाखेने ३५ वर्षांपासून फरार असलेल्या एका सराईत दरोडेखोराला अटक करून मोठी कामगिरी केली आहे.           केज पोलीस ठाण्यात १९९१ मध्ये नोंदवलेल्या दरोड्याच्या गुन्ह्यातील आरोपी भागवत कमसऱ्या पवार हा तेव्हापासून पोलिसांना गुंगारा देत होता. जिल्ह्याभरात राबवल्या जाणाऱ्या फरार आरोपी शोध मोहिमेदरम्यान, पोलीस उपनिरीक्षक महेश विघ्ने यांच्या पथकाला हा आरोपी कोरेगाव येथील आपल्या घरी आल्याची गुप्त माहिती मिळाली होती. या माहितीच्या आधारे पथकाने सापळा रचून आरोपीला शिताफीने ताब्यात घेतले. हा आरोपी केवळ १९९१ च्या दरोड्याच्या गुन्ह्यातच नव्हे, तर २०१८ मधील अन्य एका गुन्ह्यातही पोलिसांना हवा होता. ३५ वर्षांच्या प्रदीर्घ कालावधीनंतर आरोपी जेरबंद झाल्याने पोलीस दलाचे सर्वत्र कौतुक होत आहे. ही कारवाई पोलीस निरीक्षक शिवाजी बंटेवाड आणि त्यांच्या पथकाने यशस्वीरित्या पार पाडली.  

  परळीत सोमवारी मांस विक्री बंदीची मागणी; केदारी यांचे प्रशासनाला निवेदन परळी वैजनाथ, प्रतिनिधी          परळी वैजनाथ येथे प्रत्येक सोमवारी मांस विक्री व सेवनावर कडक बंदी लागू करण्यात यावी, या मागणीसाठी सामाजिक कार्यकर्ते  शिवकुमार केदारी (हिंद नगर, परळी वैजनाथ) यांनी प्रशासनाकडे सविस्तर निवेदन सादर केले आहे. परळी वैजनाथ हे भारतातील १२ ज्योतिर्लिंगांपैकी एक पवित्र धार्मिक स्थळ असून, येथे दर सोमवारी हजारो भाविक प्रभू वैद्यनाथ भगवान यांच्या दर्शनासाठी मोठ्या संख्येने उपस्थित राहतात. त्यामुळे त्या दिवशी शहरात भक्तिमय, सात्विक व धार्मिक वातावरण निर्माण होत असते. मात्र, अशा पवित्र दिवशीही शहरात मांस विक्री सुरू असल्याने भाविकांच्या धार्मिक भावना दुखावल्या जात असल्याचे निवेदनात नमूद करण्यात आले आहे.याबाबत  केदारी यांनी प्रत्यक्ष नगर परिषद परळी वैजनाथ कार्यालयात जाऊन निवेदन सादर केले असून, तसेच जिल्हा प्रशासन व राज्यातील मान्यवरांना ईमेलद्वारे निवेदन पाठवून तातडीने निर्णय घेण्याची मागणी केली आहे. निवेदनाची प्रत  जिल्हाधिकारी, बीड,  उपमुख्यमंत्री...

नामस्मरण, शुद्ध विचार आणि सुसंस्कार हेच खरे रामराज्य – लिंबाजी महाराज तिडके धर्मापुरीत प्रतिपादन ; अखंड हरिनाम सप्ताहास प्रारंभ परळी वैजनाथ (प्रतिनिधी) :      माणसाने काळानुसार बदलले पाहिजे, परंतु आपल्या संस्कृतीची व अध्यात्माची कास सोडू नये. कीर्तन हे केवळ मनोरंजनाचे साधन नसून मन शुद्ध करण्याचा आणि जीवनाला योग्य दिशा देण्याचा प्रभावी मार्ग आहे. नामस्मरण, शुद्ध विचार आणि सुसंस्कार यांमुळेच खऱ्या अर्थाने ‘रामराज्य’ प्रत्येकाच्या जीवनात निर्माण होऊ शकते,” असे प्रतिपादन ह.भ.प. लिंबाजी महाराज तिडके यांनी धर्मापुरी येथील श्री क्षेत्र रोकडेश्वर देवस्थानद्वारा आयोजित अखंड हरिनाम सप्ताह, श्रीमद् भागवत कथा ज्ञानयज्ञ तथा हनुमान चालीसा पारायण सोहळ्यानिमित्त आयोजित कीर्तन महोत्सवात केले. “झाले रामराज्य काय उणे आम्हासी, धरती धरी पिके ओसंडती गाई म्हशी” या संतवाणीतील अभंगावर प्रतिपादन करताना महाराजांनी रामराज्याची व्यापक संकल्पना उलगडून सांगितली. रामराज्य म्हणजे केवळ ऐतिहासिक कल्पना नसून प्रत्येकाच्या जीवनात साकार होणारी मूल्यव्यवस्था आहे, असे त्यांनी स्पष्ट केले. ज्या घरात सुख, शांती, ...