MB NEWS-परळी शिवारात विहिरीत आढळला मृतदेह

 परळी शिवारात विहिरीत आढळला मृतदेह

परळी वैजनाथ, प्रतिनिधी परळी शिवारातील एका विहिरी मध्ये एका इसमाचा मृतदेह आढळून आल्याने एकच खळबळ उडाली आहे. दरम्यान ही आत्महत्या असावी असा प्राथमिक अंदाज असून संभाजीनगर पोलीस अधिक तपास करीत आहेत.

    परळी शहरापासून काही अंतरावर परळी शिवारातील एका जुन्या मोठ्या विहिरी मध्ये एका इसमाचा मृतदेह आढळून आला. प्रचंड खोली व मोठी विहीर असल्याने हा मृतदेह काढण्यासाठी नगरपालिकेच्या अग्निशमन दलाला पाचारण करावे लागले.अग्निशमन विभागातील कर्मचाऱ्यांनी व नागरिकांनी अथक परिश्रम करून हा मृतदेह बाहेर काढला.मयत हा सिद्धेश्वर नगर भागातील रहिवासी असून इंद्रजीत माणिकराव जोगदंड असे मयत इसमाचे नाव असल्याची माहिती पुढे आली आहे. संभाजीनगर पोलिसांनी घटनास्थळी पाहणी केली असून अधिक तपास पोलीस करीत आहेत. दरम्यान ही आत्महत्या आहे की अन्य काही याबाबत पोलीस तपासा नंतरच स्पष्टता येणार आहे.