MB NEWS-'त्या' विवाहितेच्या आत्महत्येला कारणीभूत लोकांविरुद्ध परळीत गुन्हा; आरोपींवर कारवाईची भावाची आर्त मागणी

'त्या' विवाहितेच्या आत्महत्येला कारणीभूत लोकांविरुद्ध परळीत गुन्हा; आरोपींवर कारवाईची भावाची आर्त मागणी

परळी वैजनाथ, प्रतिनिधी....
    वारंवार मानसिक व शारीरिक त्रास देऊन आपल्या बहिणीला आत्महत्या करण्यास प्रवृत्त केले म्हणून संभाजी नगर पोलीस ठाण्यात गुन्हा दाखल करण्यात आलेला आहे.मात्र अद्याप आरोपी मोकाट असुन आरोपींवर कठोर कारवाई करावी अशी मागणी फिर्यादी मयत महिलेच्या भावाने केली आहे.

Click:*परळीत ६ मे रोजी ब्राह्मण बहुद्देशीय सभेचा सामुदायिक उपनयन संस्कार सोहळा!* *_नावनोंदणीसाठी संपर्क साधावा – ब्राह्मण सभा_*

     याबाबत माहिती अशी की,  स्वाती रामेश्वर उदावंत वय २८ वर्षे या.तुळजाईनगर परळी वैजनाथ या विवाहितेने दि.१ एप्रिल रोजी विष प्राशन केले.तिला उपचारासाठी अंबाजोगाई येथील रुग्णालयात दाखल करण्यात आले. उपचारादरम्यान दि.४ एप्रिल २०२२ रोजी या महिलेचा मृत्यू झाला.याप्रकरणी मयत महिलेचा लहान भाऊ आकाश किशनराव अंबिलवादे रा.तुळजाईनगर , परळी वैजनाथ याने मयत महिलेच्या सासरच्या लोकांविरुद्ध फिर्याद दिली.यानुसार मयत महिलेच्या पतीसह सासरच्या एकूण पाच लोकांवर कलम ४९८(अ),३०६,३४ भादवि प्रमाणे संभाजीनगर पोलीस ठाण्यात गुन्हा दाखल करण्यात आला आहे.
     याप्रकरणी आरोपींविरुद्ध कडक कारवाई करावी अशी मागणी मयत महिलेच्या भावाने केली आहे.अद्यापही आरोपी मोकाट असुन आपल्या बहिणीला आत्महत्या करण्यास प्रवृत्त केलेल्या लोकांना कडक शासन व्हावे अशी आर्त मागणी आकाश अंबिलवादे यांनी केली आहे.

Click: परळी शिवारात विहिरीत आढळला मृतदेह