अत्यंत गरीब परिस्थितीतून टोपीवाला मेडिकल कॉलेज (मुंबई) मधून उत्तीर्ण

 आदर्श शिक्षक सौदागर कांदे यांचा मानव विकास राज्यस्तरीय पुरस्काराने सन्मान

परळी (प्रतिनिधी)

परळी तालुक्यातील मौजे दगडवाडी येथील जिल्हा परिषद शाळेचे शिक्षक सौदागर आबाजीराव कांदे यांचा नुकताच मानव विकास राज्यस्तरीय पुरस्काराने सन्मान करण्यात आला. लातूर येथील दयानंद सभागृहात मान्यवरांच्या उपस्थितीत हा पुरस्कार वितरण सोहळा संपन्न झाला. याअगोदर सौदागर कांदे यांना बीड जिल्हा परिषदेने आदर्श शिक्षक पुरस्कार देऊन तर कोल्हापूर येथील एका संस्थेने राज्यस्तरीय पुरस्काराने सन्मानित केले आहे.

तालुक्यातील दगडवाडी येथील उपक्रमशिल व विद्यार्थीप्रिय शिक्षक सौदागर आबाजीराव कांदे यांचा मानव विकास राज्यस्तरीय पुरस्काराने गौरव करण्यात आला. लातूर येथे रविवारी झालेल्या एका भव्य सोहळ्यात राज्याचे माजी वैद्यकीय शिक्षण मंत्री आ.अमित भैय्या देशमुख यांच्या हस्ते हा पुरस्कार त्यांना प्रदान करण्यात आला. या कार्यक्रमास जेष्ठ पत्रकार मधुकर भावे, पंढरपूरच्या विठ्ठल रूक्मीणी देवस्थानचे अध्यक्ष ह.भ.प.गहिनीनात महाराज औसेकर, सहकार महर्षी व माजी मंत्री दिलीपराव देशमुख, सौ.सुवर्णाताई देशमुख, सौ.गौरवीताई भोसले (देशमुख) शिक्षक आमदार विक्रम काळे, मानव विकास संस्थेचे वसंतराव घोगरे पाटील, सरोज घोगरे पाटील यांची प्रमुख उपस्थिती होती. सौदागर कांदे यांना मिळालेल्या पुरस्काराबद्दल त्यांच्यावर सर्वत्र कौतुकाचा आणि अभिनंदनाचा वर्षाव होत आहे.