कृषीमंत्री धनंजय मुंडेंची फेसबुक पोस्ट

 कृषीमंत्री धनंजय मुंडेंनी घेतलाय 'हा' निर्णय 

परळी वैजनाथ, प्रतिनिधी....

       राज्याच्या नवीन मंत्र्यांना आज खातेवाटप करण्यात आले यामध्ये धनंजय मुंडे यांना कृषिमंत्री म्हणून जबाबदारी देण्यात आली आहे कृषिमंत्री झालेल्या धनंजय मुंडे यांनी उद्या दिनांक 15 जुलै रोजी त्यांचा असणारा वाढदिवस साजरा न करण्याचा निर्णय जाहीर केला आहे याबाबत त्यांनी आपण वाढदिवस साजरा करणार नसल्याचे सांगितले असून बळीराजा अडचणीत असताना वाढदिवस साजरा करणे संयुक्तिक ठरणार नसल्याचे धनंजय मुंडे यांनी म्हटले आहे.

● अशी आहे धनंजय मुंडेंची फेसबुक पोस्ट 

 बीड जिल्ह्यासह मराठवाड्यात अजूनही समाधानकारक पाऊस झालेला नाही. आपला बळीराजा संकटाच्या छायेत असताना मी वाढदिवस साजरा करणे संयुक्तिक नाही.

 

तुम्हा सर्वांचे प्रेम, आशीर्वाद व शुभेच्छा माझ्यासोबत कायमच आहेत. परंतू पावसाच्या प्रतिक्षेत असलेल्या बळीराजाच्या भावनांची जाणीव ठेवत यावर्षीचा वाढदिवस मी साजरा न करण्याचा निर्णय घेतला आहे. 

सर्वांच्या सहकार्याची अपेक्षा करतो. 

आपला,

धनंजय मुंडे