बीड मधील कायदा व सुव्यवस्था राखण्याचे आव्हान

 नवे एसपी नवनीत कॉवत यांनी रात्री पावणे अकरा वाजता स्वीकारला पदभार 

बीड मधील कायदा व सुव्यवस्था राखण्याचे आव्हान 

बीड, एमबी न्यूज वृत्तसेवा : बीडच्या मसाजोग येथील संतोष देशमुख अपहरण व खून प्रकरणाच्या तपासात कुचराई केल्याचा ठपका ठेवत अविनाश बारगळ यांची बदली करण्यात आली होती.त्यांच्या जागी छत्रपती संभाजीनगर येथील पोलीस उपायुक्त नवनीत कॉवत यांची नियुक्ती झाल्याचे आदेश दुपारी प्राप्त झाले होते. 

     यानंतर कॉवत यांनी तातडीने बीडमध्ये दाखल होत रात्री पावने अकरा  वाजता बीडच्या पोलीस अधीक्षक पदाचा पदभार स्वीकारला.  बीड जिल्ह्यातील कायदा व सुव्यवस्था राखण्याचे आव्हान कॉवत यांच्यासमोर असून ते हे कशा पद्धतीने पेलतात याकडे सबंध राज्याचे लक्ष लागले आहे.बीडमध्ये आज नव्या एसपींची नियुक्ती करण्यात आली आहे.टॉपर आयपीएस अधिकारी असलेले नवनीत कॉंवत बीडचे नवे पोलीस अधीक्षक असणार आहेत.

नवनीत कावत हे बीडचे नवीन पोलीस अधीक्षक राहणार असून ते यापूर्वी पोलीस उपायुक्त छत्रपती संभाजी नगर या ठिकाणी कार्यरत होते.आता बीड मधील कायदा सुव्यवस्था सुरळीत करण्याचे आवाहन..कावत यांच्यासमोर आहे .काँवत हे 2017 सालच्या बँचचे टॉपर आयपीएस अधिकारी आहेत .अतिशय कडक आणि शिस्तप्रिय अधिकारी अशी त्यांची ख्याती आहे. सैनिकी शाळेतून शिक्षण पूर्ण झालेल्या नवनीत कॉवत यांनी आयआयटी मधून इलेक्ट्रिकल इंजिनीअरींगमध्ये पदवी प्राप्त केली आहे. विशेष म्हणजे नवनीत कॉवत हे तीन वेळेस युपीएससी उत्तीर्ण झाले आहेत. नवनीत कॉवत सुरुवातीला ते आयईएस, नंतर आयआरएस आणि त्यानंतर आयपीएस झाले आहेत. सध्या ते छत्रपती संभाजीनगर येथे पोलीस उपायुक्तपदी कार्यरत होते.