महामार्गावर दुर्देवी आपघात....

नामलगाव फाटा येथे भीषण अपघात; सहा जणांचा मृत्यू, दोघे गंभीर जखमी

बीड, प्रतिनिधी...

बीड तालुक्यातील नामलगाव फाटा येथील उड्डाणपुलाजवळ शनिवारी (30 ऑगस्ट) सकाळी साडेसातच्या सुमारास झालेल्या भीषण अपघातात सहा जणांचा जागीच मृत्यू झाला असून दोघे गंभीर जखमी झाले आहेत.

भरधाव वेगाने धावणाऱ्या कंटेनरने रस्त्यावरील सहा जणांना चिरडले. यात सहाही जणांचा घटनास्थळीच मृत्यू झाला. बीड जिल्ह्यातील आकाश कोळसे, पवन जगताप, किशोर तौर, दिनेश पवार, अनिकेत शिंदे आणि अहिल्यानगर जिल्ह्यातील अमोल नामदेव गर्जे, विशाल श्रीकिसन काकडे हे तरुण पेंडगावला दर्शनाला जात असताना हा अपघात घडला असल्याची माहिती मिळाली आहे.

काही दिवसांपूर्वी गढी उड्डाणपुलाजवळ अशाच प्रकारच्या अपघातात कंटेनरच्या धडकेत पाच ते सहा जणांचा मृत्यू झाला होता. वारंवार होणाऱ्या अपघातांमुळे परिसरात भीतीचे वातावरण निर्माण झाले आहे. दरम्यान, बीड ग्रामीण पोलिसांनी घटनास्थळी धाव घेत कंटेनर चालकाला ताब्यात घेतले असून पुढील तपास सुरू आहे.