मोठ्या संख्येने उपस्थित रहा....
५७ वर्षीय नराधमाचा ३५ वर्षीय असहाय्य विधवेवर बलात्कार
केज :- केज तालुक्यातील युसुफवडगाव पोलिस ठाण्याच्या हद्दीत एका ५७ वर्षीय नराधमाने त्याच्या मुलीच्या वयाच्या एका ३५ वर्षीय विधवेवर बलात्कार केला असल्याची खळबळजनक घटना घडली आहे.
या बाबतची माहिती अशी की, दि. २४ रोजी युसुफवडगाव पोलिस ठाण्याच्या हद्दीत असलेल्या सावळेश्वर (पैठण) येथील मधुकर उर्फ मदन विश्वनाथ म्हस्के वय ५७ वर्ष याने एका ३५ वर्षीय विधवा महिलेला शेतातील भाजीपाला घेऊन जा. असे म्हणून शेतात बोलावले. सकाळी ९:३० वाजण्याच्या सुमारास ती विधवा महिला शेतात गेली असता तेथे कोणी नसल्याचा व असहाय्यतेचा गैरफायदा घेऊन मधुकर उर्फ मदन विश्वनाथ म्हस्के वय (५७ वर्ष) याने तिच्याशी झोंबाझोंबी करून तिच्यावर अतिप्रसंग करून बळजबरीने बलात्कार केला. तसेच याची वाच्यता केली किंवा कुणाला जर सागितले तर जीवे मारण्याची धमकी दिली.
दरम्यान पीडितेने या तिच्यावर झालेल्या लैंगिक अत्याचाराची युसुफवडगाव पोलिस ठाण्यात तक्रार दाखल केली. त्या नुसार युसुफ वडगाव पोलिस ठाण्यात मधुकर उर्फ मदन विश्वनाथ म्हस्के वय (५७ वर्ष) याच्या विरुद्ध गु. र. नं. ३२६/२०२५, भा. न्या. सं. ६४, ७५, ७६, ७८, ७९, ११५(२),३३३, ३५१, ३५२ नुसार गुन्हा दाखल करण्यात आला आहे. प्रभारी अधिकारी मच्छिंद्रनाथ शेंडगे यांच्या मार्गदर्शाखाली पोलिस उपनिरीक्षक भिमराव मांजरे हे तपास करीत आहेत.
गुन्हा दाखल होताच अवघ्या एक तासात आरोपीच्या मुसक्या आवळल्या
सदर घटना गंभीर स्वरूपाची असल्याने गुन्हा दाखल होताच सहाय्यक पोलिस निरीक्षक मच्छिंद्रनाथ शेंडगे यांच्या मार्गदर्शनाखाली पोलिस उपनिरीक्षक भिमराव मांजरे, सहाय्यक पोलिस उपनिरीक्षक अमजद सय्यद आणि पोलिस हेड कॉन्स्टेबल मोरे यांनी शिताफीने एका तासात आरोपींचा शोध घेऊन त्याला ताब्यात घेतले.
नराधमाला पोलिस कोठडी
मुलीच्या वयाच्या ३५ वर्षीय विधवेवर बलात्कार करणारा मधुकर उर्फ मदन म्हस्के याला न्यायालयाने दि. २६ डिसेंबर पर्यंत पोलिस कोठडी सुनावली आहे.
टिप्पण्या
टिप्पणी पोस्ट करा