जादूटोणा व फसवणूक करणाऱ्या महिलेला बीड जिल्ह्यातून ६ महिन्यांसाठी तडीपार; उपविभागीय अधिकाऱ्यांचा आदेश
संबंधित महिलेवर २०१४ ते २०२४ या कालावधीत जादूटोणा करणे, नागरिकांची फसवणूक करणे यासारखे एकूण १० गंभीर गुन्हे दाखल आहेत. तिच्या क्रूर कृत्यांमुळे नागरिकांच्या मालमत्तेला व जीविताला धोका निर्माण झाला होता. परिस्थितीचे गांभीर्य लक्षात घेऊन महाराष्ट्र पोलीस अधिनियम १९५१ चे कलम ५६ (१) (अ) अन्वये ही कारवाई करण्यात आली आहे.
आदेशानुसार, या महिलेला दोन दिवसांच्या आत बीड जिल्ह्याची हद्द सोडण्याचे निर्देश देण्यात आले असून, पुढील सहा महिने दंडाधिकाऱ्यांच्या पूर्वपरवानगीशिवाय तिला जिल्ह्यात प्रवेश करता येणार नाही. हद्दपारीच्या काळात ती ज्या नवीन ठिकाणी राहील, तेथील जवळच्या पोलीस ठाण्यात तिला दर आठवड्याला हजेरी लावणे बंधनकारक करण्यात आले आहे. तसेच जिल्हा सोडल्यानंतर १० दिवसांच्या आत संबंधित पोलिसांना माहिती देणे आवश्यक आहे. या काळात निवडणुका आल्यास केवळ मतदानाच्या दिवशीच अटींवर जिल्ह्यात प्रवेश दिला जाईल, असेही आदेशात स्पष्ट करण्यात आले .
टिप्पण्या
टिप्पणी पोस्ट करा