माझी बातमी MB NEWS

भाजपाचे ज्येष्ठ नेते, माजी खासदार दत्ता मेघे यांचे निधनः दाता,आधारवड गेल्याची भावना! विदर्भातील ज्येष्ठ नेते आणि माजी खासदार दत्ता राघोबाजी मेघे (वय ८९) यांचे रविवारी दिनांक २२ मार्च रोजी नागपूर येथील निवासस्थानी निधन झाले. त्यांच्या निधनाने विदर्भाच्या राजकीय व सामाजिक क्षेत्रात मोठी पोकळी निर्माण झाली असून सर्वत्र शोक व्यक्त केला जात आहे. दत्ताजी मेघे हे विदर्भातील प्रभावी व दूरदृष्टीचे नेते म्हणून ओळखले जात होते. त्यांनी आपल्या राजकीय कारकिर्दीत लोकसभा खासदार म्हणून जनतेचे प्रतिनिधित्व केले. ग्रामीण भागाच्या विकासासाठी, विशेषतः शिक्षण, आरोग्य आणि पायाभूत सुविधांसाठी त्यांनी सातत्याने प्रयत्न केले. सावंगी मेघे येथे भव्य रुग्णालयाची स्थापना केली. त्यांच्या कार्यकाळात विदर्भातील अनेक विकासकामांना गती मिळाली. राजकारणाबरोबरच सामाजिक क्षेत्रातही त्यांचे मोठे योगदान होते. त्यांनी शिक्षण संस्थांची उभारणी करून ग्रामीण विद्यार्थ्यांना उच्च शिक्षणाची संधी उपलब्ध करून दिली. त्यांच्या पुढाकारातून सुरू झालेल्या अनेक शैक्षणिक व वैद्यकीय संस्था आजही समाजसेवेचे कार्य करत आहेत. त्यामुळे ते केवळ राजका...

  अल्पवयीन मुलगी बेपत्ता; अपहरणाची तक्रार दाखल परळी वैजनाथ (प्रतिनिधी) : शहरातील १४ वर्षीय मुलगी बेपत्ता झाल्याची घटना समोर आली असून, याप्रकरणी अज्ञात व्यक्तीविरुद्ध अपहरणाचा गुन्हा दाखल करण्यात आला आहे.           याबाबत पोलीस सूत्रांकडून मिळालेल्या माहितीनुसार, भीमनगर, परळी वैजनाथ भागातील रहिवाशी महिलेने आपली मुलगी बेपत्ता असुन तिचे आपहरण झाल्याचा संशय व्यक्त करून परळी शहर पोलीस ठाण्यात तक्रार दाखल केली आहे. दिलेल्या तक्रारीत नमूद केले आहे की, त्या मागील १५ वर्षांपासून आपल्या दोन मुलींसह आईकडे माहेरी राहतात. दि. १९ मार्च २०२६ रोजी दुपारी सुमारे १ वाजण्याच्या सुमारास त्यांची मोठी मुलगी (वय १४ वर्षे ११ महिने, इयत्ता ९ वी) ही घरातून कोणालाही काही न सांगता बाहेर गेली. बराच वेळ उलटूनही ती घरी परत न आल्याने, कुटुंबीयांनी परिसरात तसेच नातेवाईक, मैत्रिणी व शाळेत शोध घेतला; मात्र ती आढळून आली नाही. यापूर्वीही संबंधित मुलगी घरातून न सांगता गेल्याची घटना घडली होती, परंतु त्यावेळी ती नातेवाईकांकडे सापडली होती. मात्र यावेळी ती सापडत नसल्याने, कोणीतरी अज्ञात इसमाने त...

  अल्पवयीन मुलीवर अत्याचार; पोक्सो अंतर्गत गुन्हा दाखल परळी वैजनाथ: प्रतिनिधी....  एका अल्पवयीन मुलीवर अत्याचार झाल्याची धक्कादायक घटना समोर आली आहे. याप्रकरणी धर्मापुरी येथील रहिवासी आरोपीविरुद्ध परळी ग्रामीण पोलीस ठाण्यात गुन्हा दाखल करण्यात आला आहे.       पोलीस सूत्रांकडून मिळालेल्या माहितीनुसार, धर्मापुरी ता.परळी वैजनाथ येथे १८ मार्च २०२६ रोजी दुपारी १२:०० वाजेच्या सुमारास ही घटना घडली. ५० वर्षीय  आरोपीने पीडित १० वर्षीय एका अल्पवयीन मुलीवर दोन वेळा जबरदस्तीने लैंगिक अत्याचार केला. एवढेच नव्हे तर, ही बाब कोणाला सांगितल्यास पीडित मुलगी आणि तिच्या फिर्यादी पालकांना जीवे मारण्याची धमकीही त्याने दिली. याप्रकरणी पीडितेच्या पालकांनी दिलेल्या तक्रारीवरून २२ मार्च २०२६ रोजी  बालाजी पांचाळ या आरोपीविरुद्ध भारतीय न्याय संहिता (BNS) च्या कलम ६४(१), ६४(२), ६५(२), ७४, ७५(२) आणि पोक्सो  कायद्याच्या ४, ६, ८, १२ कलमान्वये गुन्हा नोंदवण्यात आला आहे. या गंभीर प्रकरणाचा तपास अंबाजोगाईच्या पिंक पथकातील ए.पी.आय. जाधवर  करत आहेत. आरोपीला अटक करण्यात आली आहे.मह...

म्हैसूर मठाचे पीठाधिपती, जगद्गुरू परमपूज्य श्री श्री शंकर भारती महास्वामीजी यांचे आज वैद्यनाथ नगरीत होणार आगमन परळीत अध्यात्मिक पर्वणी, दिव्य दर्शन योग: भाविकांनी मोठ्या संख्येने उपस्थित राहण्याचे आवाहन परळी वैजनाथ (प्रतिनिधी) –         येडतोर येथील श्री योगानंदेश्वर सरस्वती मठ, म्हैसूरचे पीठाधिपती जगद्गुरू परमपूज्य श्री श्री शंकर भारती महास्वामीजी यांच्या आगमनानिमित्त परळी वैजनाथ येथे आज दि.२३ रोजी अध्यात्मिक पर्वणी व दिव्य दर्शन योग   घडणार आहे. यानिमित्त स्वागत शोभायात्रा काढण्यात येणार आहे. सर्व धर्मप्रेमी नागरिकांनी मोठ्या संख्येने सहभागी व्हावे व दर्शनाचा लाभ घ्यावा असे आवाहन सकल हिंदू समाज, परळी वैजनाथ’ यांच्या वतीने करण्यात आले आहे.        शृंगेरी शारदापीठाच्या अद्वैत परंपरेतील या महान विभूतींचे सोमवार, दि. २३ मार्च २०२६ रोजी दुपारी ४.०० वाजता परळी वैजनाथ येथे आगमन होणार आहे. आगमनानंतर ते बारा ज्योतिर्लिंगांपैकी पंचम ज्योतिर्लिंग असलेल्या वैद्यनाथ मंदिर येथे विधीवत पूजा व दर्शन घेणार आहेत. महास्वामीजींच्या ...

परळी बसस्थानकावर चोरट्यांचा सुळसुळाट; एस.टी. निवृत्त चालकाचे २५ हजार लंपास परळी वैजनाथ (प्रतिनिधी) : परळी बसस्थानक परिसरात चोरीच्या घटनांमध्ये वाढ होत असून, याच पार्श्वभूमीवर एका निवृत्त एस.टी. चालकाला चोरट्यांनी गंडा घातल्याची घटना उघडकीस आली आहे. विठ्ठल संतराम फड (वय ६४, रा. मरळवाडी ता. परळी वैजनाथ) हे मुंबईला जाण्यासाठी परळी बसस्थानकावर आले होते. ते परळी ते बोरीवली या एस.टी. बसमध्ये चढत असताना अज्ञात चोरट्याने त्यांच्या पॅन्टच्या उजव्या खिशातील रोख रक्कम चोरून नेली. या चोरीमध्ये पाचशे रुपयांच्या ५० नोटा असा एकूण २५,००० रुपयांचा ऐवज लंपास करण्यात आला.घटनेची माहिती मिळताच विठ्ठल फड यांनी तक्रार दाखल केली असून, संभाजीनगर पोलीस ठाण्यात अज्ञात आरोपीविरुद्ध गुन्हा नोंद करण्यात आला आहे. या प्रकरणाचा पुढील तपास सहाय्यक फौजदार नागरगोजे करत आहेत. दरम्यान, बसस्थानक परिसरात वाढत्या चोरीच्या घटनांमुळे प्रवाशांमध्ये भीतीचे वातावरण निर्माण झाले असून, पोलिसांनी गस्त वाढवावी अशी मागणी नागरिकांकडून होत आहे.

लेकीच्या गावाला निघालेल्या आजीला ऑटोत बसवून भलतीकडेच नेलं अन् रिक्षाचालक व एका महिलेने मिळून लुटले प्रवाशी ऑटोंच्या माध्यमातून चोरट्यांची टोळी सक्रिय परळी वैजनाथ (प्रतिनिधी) – परळी तालुक्यातीलच मिरवट या गावाहून आपल्या लेकीच्या नेकोटवाडी या गावाला जाण्यासाठी निघालेल्या एका आजीबाईला प्रवासी ऑटोच्या पॉइंट वर असलेल्या एका ऑटो चालकांने दिशाभूल करत ऑटोत बसवूनभरतीकडेच नेले. अंबलवाडी घाटात निर्जनस्थळी नेऊन ऑटो रिक्षा चालक व एका महिलेने मिळून या वृद्धेच्या अंगावरील दागिने धमकावून, बळजबरीने काढून घेतले. त्याच ठिकाणी त्या आजींना सोडून ऑटोचालक व त्याची सहकारी महिला निघून गेल्याची धक्कादायक घटना समोर आली आहे. या घटनेने प्रवासी ऑटो च्या माध्यमातून प्रवाशांना लुटणारी टोळी सक्रिय झाल्याची शक्यता वर्तवण्यात येत आहे. वाढत्या चोऱ्या हे पोलिसांसमोर मोठे आव्हान उभे राहिले आहे.          "चला बसा ,नैकोटावाडीला सोडतो…” या गोड बोलण्यावर विश्वास ठेवणे एका महिलेला महागात पडले. अज्ञात ऑटोचालक आणि त्याच्या साथीदार महिलेने घाटरस्त्यावर नेऊन तिची जबरदस्तीने लूट केल्याची ध...

मोटार सायकलला कारची धडक : मोटारसायकल वरील परळीचे दोन युवक जखमी केज :- केज अंबाजोगाई रोडवर असलेल्या माऊली जिनिंग समोर एका मोटार सायकलीला भरधाव वेगातील कारने राँग साईडने धडक दिल्याने दोघे गंभीर जखमी झाले आहेत.        दि. १९ मार्च रोजी दुपारी ४:३० वाजण्याच्या सुमारास केज येथे सेंट्रिगचे काम करुन परळीकडे मोटार सायकल क्र. (एम एच-२३/ बी एल-५०५३) वरून परळी कडे जात होते. त्यावेळी त्यांना केज-अंबाजोगाई रोडवर केज येथील उपजिल्हा रुग्णालय जवळ असलेल्या माऊली जिनिंग जवळ समोरून येणाऱ्या भरधाव वेगातील बलेनो कंपनीच्या पांढऱ्या रंगाच्या कारने तिच्या समोरील एका वाहनाला ओहरटेक करीत असताना भरधाव वेगातील कार निष्काळजीपणे व हयगईने चालवून मोटार सायकलीला राँग साईडने जोराची धडक दिली. यात मोटार सायकल वरील रवि गोदाम आणि सतीश कसबे (दोघे रा. परळी जि. बीड) हे दोघे गंभीर जखमी झाले आहेत. तर मोटार सायकलीचे नुकसान झाले आहे. मोटार सायकलीला धडक दिल्या नंतर कारचालक पळून गेला.दोघा जखमीवर अंबाजोगाई येथील स्वामी रामानंद ग्रामीण रुग्णालय व वैद्यकीय महाविद्यालय येथे उपचार करून रवी गोदाम याच्या पायाला गंभ...