#जोशींचीतासिका....भाग १

 अल्पवयीन मुलगी बेपत्ता; अपहरणाची तक्रार दाखल

परळी वैजनाथ (प्रतिनिधी) : शहरातील १४ वर्षीय मुलगी बेपत्ता झाल्याची घटना समोर आली असून, याप्रकरणी अज्ञात व्यक्तीविरुद्ध अपहरणाचा गुन्हा दाखल करण्यात आला आहे.

          याबाबत पोलीस सूत्रांकडून मिळालेल्या माहितीनुसार, भीमनगर, परळी वैजनाथ भागातील रहिवाशी महिलेने आपली मुलगी बेपत्ता असुन तिचे आपहरण झाल्याचा संशय व्यक्त करून परळी शहर पोलीस ठाण्यात तक्रार दाखल केली आहे. दिलेल्या तक्रारीत नमूद केले आहे की, त्या मागील १५ वर्षांपासून आपल्या दोन मुलींसह आईकडे माहेरी राहतात. दि. १९ मार्च २०२६ रोजी दुपारी सुमारे १ वाजण्याच्या सुमारास त्यांची मोठी मुलगी (वय १४ वर्षे ११ महिने, इयत्ता ९ वी) ही घरातून कोणालाही काही न सांगता बाहेर गेली. बराच वेळ उलटूनही ती घरी परत न आल्याने, कुटुंबीयांनी परिसरात तसेच नातेवाईक, मैत्रिणी व शाळेत शोध घेतला; मात्र ती आढळून आली नाही.

यापूर्वीही संबंधित मुलगी घरातून न सांगता गेल्याची घटना घडली होती, परंतु त्यावेळी ती नातेवाईकांकडे सापडली होती. मात्र यावेळी ती सापडत नसल्याने, कोणीतरी अज्ञात इसमाने तिला अज्ञात कारणासाठी पळवून नेल्याचा संशय व्यक्त करण्यात आला आहे.या प्रकरणी परळी शहर पोलीस ठाण्यात अज्ञात व्यक्तीविरुद्ध गुन्हा दाखल करण्यात आला असून, पोलिसांकडून मुलीचा शोध सुरू आहे.