शाही सोहळ्याची जोरदार तयारी

 जे. के. कन्स्ट्रक्शनचा मुस्लिम धर्मीय सामूहिक विवाह सोहळा उद्या

अनेक मान्यवरांची राहणार उपस्थितीत, सोहळ्याची जय्यत तयारी

नागरीकांनी मोठ्या संख्येने उपस्थित रहावे - जाफर खान, हाजी राजा खान

परळी वैजनाथ (प्रतिनिधी) बांधकाम क्षेत्रात संपूर्ण मराठवाड्यात नामवंत म्हणून ओळख असलेल्या जे. के. कन्स्ट्रक्शनने समाजहिताचा उपक्रम हाती घेतला आहे. राजकारण, सामाजिक क्षेत्रात कार्यरत असलेल्या खान बंधूंनी मुस्लिम धर्मीय सामुदायिक विवाह सोहळ्याचे आयोजन केले आहे. उद्या गुरुवार दि. 7 मे रोजी हा शाही विवाह सोहळा संपन्न होत असुन त्याची जय्यत तयारी सुरू आहे. या सोहळ्याला नागरिकांनी मोठय़ा संख्येने उपस्थित राहावे असे आवाहन जे. के. कन्स्ट्रक्शनचे संचालक जाफर खान, उपनगराध्यक्ष हाजी राजा खान यांनी केले आहे. 

       सामाजिक भान ठेवून, समाजाचे देणे लागतो या भावनेतून जे. के. कंट्रक्शन यांच्या वतीने गुरुवार दि. 7 मे रोजी मुस्लिम धर्मीय सामुदायिक विवाह सोहळ्याचे आयोजन करण्यात आले आहे. मलकापूर रोडवरील जे. के. फंक्शन हॉल येथे सकाळी 11 वाजता हा सामूहिक विवाह सोहळा थाटात आणि उत्साहात संपन्न होणार आहे. अनेक गरीब कुटुंब कर्ज काढून लग्न करतात. अनावश्यक खर्च केला जातो. हा अनावश्यक खर्च टाळून गरीब कुटुंब स्वाभिमानाने जगावे यासाठीच या सामुदायिक विवाह सोहळ्याचे आयोजन करण्यात आले असल्याचे जे. के. कन्स्ट्रक्शनचे संचालक जाफर खान, उपनगराध्यक्ष हाजी राजा खान यांनी सांगितले.

शाही सोहळ्याची जोरदार तयारी

   जे. के. कंट्रक्शनच्या वतीने समाजातील होतकरू कुटुंबांसाठी या उपक्रमाचे आयोजन करण्यात आले आहे. या शाही थाटात संपन्न होणाऱ्या सामूहिक विवाह सोहोळ्याची जोरदार तयारी सुरू असून ती अंतिम टप्प्यात आली आहे. या सोहोळ्याला अनेक मान्यवरांची उपस्थिती राहणार आहे. सहभागी जोडप्यांना संसारोपयोगी साहित्यही दिले जाते. त्याचीही तयारी पूर्ण झाल्याचे सांगण्यात आले. 

या विवाह सोहळ्याला नागरिकांनी मोठय़ा संख्येने उपस्थित राहावे असे आवाहन जाफर खान उस्मान खान, परळीचे उपनगराध्यक्ष हाजी राजा खान उस्मान खान, उमर खान उस्मान खान, एजाज खान उस्मान खान, वाहेद खान जाफर खान, शाहेद खान राजा खान, शेख मझहरूद्दिन अलीमोदिन, जफर खान जाफर खान, नदीम खान जाफर खान, मुफ्ती तारेक खान एजाज खान, फेरोज खान उमर खान, फाजेब खान उमर खान, तौफिक खान एजाज खान यांनी केले आहे.