डॉ. झाकीर हुसेन उर्दू शाळेची विद्यार्थिनी नगमा मुख्तार खान महाराष्ट्र लोकसेवा आयोग (MPSC) परीक्षेत उत्तीर्ण होऊन महसूल सहाय्यक पदी निवड

 डॉ. झाकीर हुसेन उर्दू शाळा परळी वै. दहावीच्या परीक्षेस घवघवीत यश उर्दू माध्यमातून तालुक्यात प्रथम.96.96%  

  

डॉ. झाकीर हुसेन उर्दू शाळेची विद्यार्थिनी नगमा मुख्तार खान महाराष्ट्र लोकसेवा आयोग (MPSC) परीक्षेत उत्तीर्ण होऊन महसूल सहाय्यक पदी निवड 

परळी वैजनाथ -

परळी वैजनाथ येथील डॉ. झाकीर हुसेन एज्युकेशन सोसायटी, जिल्हा बीड संचलित डॉ. झाकीर हुसेन उर्दू माध्यमिक व उच्च माध्यमिक विद्यालयाने शालांत प्रमाणपत्र परीक्षा फेब्रुवारी/मार्च 2026 मध्ये 96.96 टक्के निकालासह परळी तालुक्यात प्रथम येण्याचा मान पटकावला आहे. उर्दू माध्यमातून विद्यालयाने हे यश संपादन करत शैक्षणिक गुणवत्तेची परंपरा कायम राखली आहे.

तसेच बारावी उच्च माध्यमिक प्रमाणपत्र परीक्षा फेब्रुवारी 2026 मध्ये विज्ञान शाखेचा 98 टक्के निकाल लागला असून, विद्यालयाने यशाची उज्ज्वल परंपरा कायम ठेवली आहे. दहावीच्या परीक्षेत शेख फायजा गयास हिने 88 टक्के गुण मिळवून शाळेत प्रथम, तर शेख इशरा अनवर हिने 81 टक्के गुण मिळवून द्वितीय क्रमांक पटकावला.

बारावीतील गुणवंत विद्यार्थी

विज्ञान शाखेत सय्यदा आयेशा सिद्दीखा अश्फाक हिने प्रथम क्रमांक मिळवला असून इनामदार मरियम हसनोद्दीन शेख हिने द्वितीय क्रमांक मिळवला.तर कला शाखेत शेख अरिबा जब्बार हिने प्रथम, तर असलम हैदर खान यांनी द्वितीय क्रमांक मिळवला.

याचबरोबर विद्यालयाची माजी विद्यार्थिनी नगमा मुख्तार खान हिने महाराष्ट्र लोकसेवा आयोग (MPSC) परीक्षा उत्तीर्ण करून महसूल सहाय्यक पदावर निवड मिळवत विद्यालयाचा गौरव वाढवला. तिचा शाळेतर्फे विशेष सत्कार करण्यात आला.

सर्व यशस्वी विद्यार्थ्यांचे संस्थेचे अध्यक्ष हाजी वाहाजोद्दीन मुल्ला यांनी अभिनंदन केले. तसेच मुख्याध्यापिका (प्राचार्या) पठाण मुनवरी बेगम हसन खान यांच्या हस्ते विद्यार्थ्यांचा सत्कार करण्यात आला.

विद्यालयाच्या या उल्लेखनीय यशाबद्दल पालक, शिक्षणप्रेमी व परिसरातून अभिनंदनाचा वर्षाव होत असून, शाळेच्या पुढील वाटचालीस शुभेच्छा देण्यात येत आहेत.