दिपावलीच्या तोंडावरच अंबाजोगाईत दोघांची आत्महत्या
अंबाजोगाई - सर्वत्र दिपावलीची लगबग सुरू असताना अंबाजोगाई शहरातील स्वाराती रूग्णालय परिसरातील पीजीच्या मुलांच्या वसतिगृहांमध्ये लिपिकाने गळफास घेवून आत्महत्या केली आहे. तर शहर पोलिस ठाण्याच्या समोर असलेल्या व्यापारी संकुलामध्ये मित्राच्या मोबाईल शॉपी मध्ये गळफास घेवून आपली जिवनयात्रा संपविली. यात वैजनाथ अनंतराव काळे (वय 47) रा.कोळपिंपरी ता.सोनपेठ व शरद भागवत जैसवाल (वय 55) रा.गुरूवार पेठ अंबाजोगाई अशी दोघा मयतांची नावे आहेत.
दिपावलीचा सन तोंडावर आला असताना अंबाजोगाई शहरातील अशिया खंडात नावजलेले स्वामी रामानंद तीर्थ ग्रामिण वैद्यकीय महाविद्यालय व रूग्णालय परिसरातील मुलांच्या वसतीगृहांमध्ये लिपीक पदावर असलेले वैजनाथ अनंतराव काळे, रा.कोळपिंपरी ता.सोनपेठ येथील हे कर्मचारी वसतिगृहामध्ये कामास होते. सकाळी नित्यनियमाप्रमाणे वसतिगृहावर सोबतच्या कर्मचार्याला गप्पा मारत कार्यालयीन कामकाजासाठी गेले. परंतु त्यांनी एका खोलीमध्ये जावून पंख्याच्या हुकाला गळफास घेत आत्महत्या केली. काळे हे बाहेर कसे येत नाहीत म्हणून कर्मचार्यांनी दरवाजा ठोठावला. आतुन कुठलाही प्रतिसाद न आल्यामुळे दरवाजा तोडून कर्मचार्यांनी आत गेले असता त्यांनी गळफास घेतल्याचे निदर्शनास आहे. आत्महत्या कुठल्या कारणास्तव केली अद्यापही कळाले नसले तरी पोलिस तपासाअंती आत्महत्येचे कारण समोर येणार आहे. दुसरी घटना शहराच्या पोलिस ठाण्यासमोर असलेल्या नगर पालिकेच्या व्यापारी संकुलामध्ये पहिल्या मजल्यावर मोरया मोबाईल शॉपी असून या शॉपीमध्ये मोबाईलचा व्यवसाय चालतो. या दुकानामध्ये दुकान मालक शरद भागवत जैस्वाल रा.गुरूवार पेठ (वय 55) हे दोघे जण रात्री दहा वाजेपर्यंत दुकानात बसलेले होते. 10.30 ला दुकान बंद करून जैस्वाल घरी गेले असता घरच्यांनी घराचे दार न उघडल्यामुळे मित्राला आजच्या रात्र दुकानी झोपतो असे सांगितले. परंतु त्याने पहाटेच्या दरम्यान पंख्याला असणार्या हुकाला गळफास घेवून आत्महत्या केली. दुकान मालकाने सकाळी साडेदहा वाजता दुकान उघडण्यासाठी आले असता शटर न उघडल्यामुळे त्याने कुलपाचा कोंडा तोडून उघडले असता आतमध्ये जयस्वाल हे पंख्याच्या हुकाला लटकलेले दिसून आले. यानंतर शहर पोलिसांनी घटनास्थळावर धाव घेत पंचनामा केला. आत्महत्या का केली. याचे कारण अद्यापही स्पष्ट झाले नसून पोलिस तपासाअंती समोर येणार आहे.
टिप्पण्या
टिप्पणी पोस्ट करा